Salaar: ఇండియా వరల్డ్ కప్ సలార్ సినిమా మధ్య కనెక్షన్ ఏంటో తెలుసా?

ప్రస్తుతం ఎంతో ఉత్కంఠభరిత నేపథ్యంలో కొనసాగుతున్న ఒన్డే వరల్డ్ కప్ టోర్నమెంట్ లో మన భారత్ జట్టు వరుస విజయాలతో దూసుకుపోతూ వరల్డ్ కప్ గెలవడమే లక్ష్యంగా పెట్టుకున్నారు. అయితే తాజాగా జరిగిన సెమీఫైనల్స్ లో కూడా విజయభేరి మోగించింది. ఇక నేడు జరగబోతున్నటువంటి సౌత్ ఆఫ్రికా ఆస్ట్రేలియా మ్యాచ్ లో ఎవరు గెలిస్తే వారితో ఫైనల్స్ లో ఇండియా తలపడబోతోంది. ఇక ఈసారి ఇండియా వరల్డ్ కప్ గెలవడం ఖాయం అంటూ క్రికెట్ అభిమానులు అందరూ కూడా ఎంతో ధీమా వ్యక్తం చేస్తున్నారు.

ఈ క్రమంలోనే సోషల్ మీడియాలో వరల్డ్ కప్ మ్యాచ్ అలాగే సలార్ సినిమా మధ్య కొన్ని లింక్స్ పెడుతూ అభిమానులు వైరల్ చేస్తున్నారు. ఈసారి ఇండియా వరల్డ్ కప్ గెలిస్తే ఖచ్చితంగా ప్రభాస్ సినిమా కూడా బ్లాక్ బాస్టర్ హిట్ అవుతుంది అంటూ ఒక వార్త వైరల్ గా మారింది. ప్రభాస్ సినిమాకు వరల్డ్ కప్ మ్యాచ్ కి సంబంధం ఏంటి వరల్డ్ కప్ గెలిస్తే ప్రభాస్ సినిమా హిట్ అవడం ఏంటి అనుకుంటున్నారా.. 2019వ సంవత్సరంలో వరల్డ్ కప్ జరిగిన సంగతి మనకు తెలిసిందే.

అదే సమయంలో ప్రభాస్ నటించిన సాహో సినిమా కూడా ప్రేక్షకుల ముందుకు వచ్చింది. ఆ సమయంలో ఇండియా వరల్డ్ కప్ లక్ష్యంగా పెట్టుకున్నప్పటికీ ఫైనల్స్ వరకు చేరుకోలేకపోయింది. ప్రభాస్ సినిమా కూడా డిజాస్టర్ గా నిలిచింది. ఇప్పుడు మరోసారి వరల్డ్ కప్ మ్యాచ్ అలాగే ప్రభాస్ సినిమా కూడా విడుదల కాబోతున్నటువంటి నేపథ్యంలో ఈసారి కనుక వరల్డ్ కప్ ఇండియా గెలిస్తే ప్రభాస్ సినిమా కూడా తప్పకుండా హిట్ అవుతుంది అంటూ ప్రభాస్ అభిమానులు భావిస్తున్నారు.

ఈ సినిమా (Salaar) సెప్టెంబర్ 28వ తేదీ ప్రేక్షకుల ముందుకు రావాల్సి ఉండగా కొన్ని కారణాల వల్ల వాయిదా పడి డిసెంబర్ 22వ తేదీ విడుదల కాబోతోంది. మరి సలార్ సినిమా ద్వారా ప్రభాస్ బ్లాక్ బస్టర్ హిట్ అందుకుంటారా లేదా అనే విషయం తెలియాలి అంటే మరి కొద్ది రోజులు ఎదురు చూడాలి.

జపాన్ సినిమా రివ్యూ & రేటింగ్!

జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!