ఇటీవల తారకరత్న గుండెపోటుకి గురై.. బెంగుళూరులోని నారాయణ హృదయాలయ హాస్పిటల్‌లో చికిత్స పొందుతున్న సంగతి తెలిసిందే. బాబాయ్ బాలయ్య దగ్గరుండి అన్ని ఏర్పాట్లు చూసుకుంటున్నారు. ఆయనతో పాటు తారకరత్న భార్య, కుమార్తె కూడా ఆక్కడే ఉన్నారు. సినిమాలు పక్కన పెట్టేసి, భవిష్యత్ రాజకీయాల్లో చురుగ్గా పాల్గొనాలని, పార్టీ తరపున ప్రచారం చేయాలని ప్రణాళిక వేసుకుంటున్న తరుణంలో ఇలాంటి ఊహించని సంఘటన జరగడంతో అందరూ షాకయ్యారు. నందమూరి అభిమానులు, పార్టీ వర్గాల వారు ఆయన త్వరగా కోలుకుని, పూర్తి ఆరోగ్యంతో రావాలని పూజలు, ప్రార్థనలు చేస్తున్నారు.
నారా చంద్రబాబు నాయుడుతో సహా.. ఎన్టీఆర్, కళ్యాణ్ రామ్ దంపతులు, దగ్గుబాటి పురందేశ్వరి, నందమూరి సుహాసిని, బాలయ్యకి ఆప్తుడు, కన్నడ స్టార్ శివ రాజ్ కుమార్, తెలుగుదేశం పార్టీ నాయకులు పలువురు ఆసుపత్రిలో తారకరత్నను పరామర్శించారు. ప్రస్తుతం ఆయన వైద్యానికి స్పందిస్తున్నారని తెలుస్తోంది. ఇదిలా ఉంటే తారకరత్న పర్సనల్ లైఫ్ గురించి కొన్ని ఆసక్తికర వార్తలు నెట్టింట వైరల్‌గా మారాయి. తారకరత్న భార్య అలేఖ్య రెడ్డికి, వైసీపీ నేత విజయసాయి రెడ్డికి ఉన్న రిలేషన్ గురించి ఇంట్రెస్టింగ్ న్యూస్ ఒకటి తెలిసింది.
2012 ఆగస్టు 2న సంఘీ టెంపుల్‌లో తారక్, అలేఖ్యను పెళ్లి చేసుకున్నారు. వీరిది ప్రేమ వివాహం. కామన్ ఫ్రెండ్ ద్వారా పరిచయం అయిన వీరు తర్వాత ప్రేమికులుగా మారి, వివాహ బంధంతో ఒక్కటయ్యారు. వీరికి ఓ పాప ఉంది. తారకరత్నకిది మొదటి వివాహం కాగా.. అలేఖ్యకు రెండో పెళ్లి.. అంతకుముందు ఆమె టీడీపీలో ప్రముఖ రాజకీయ నాయకుడు, దివంగత ఎలిమినేటి మాధవ రెడ్డి కుమారుడు సందీప్ రెడ్డిని మ్యారేజ్ చేసుకున్నారు. కొద్దికాలం తర్వాత విబేధాలు రావడంతో విడిపోయారు.
తారక్ హీరోగా నటించిన ‘నందీశ్వరుడు’ చిత్రానికి అలేఖ్య కాస్ట్యూమ్ డిజైనర్‌గా వర్క్ చేశారు. వీరి పెళ్లి కుటుంబ సభ్యులకు ఇష్టం లేకపోవడంతో దూరం పెట్టారని అంటుంటారు. ఇక అలేఖ్య రెడ్డికి, విజయసాయి రెడ్డికి ఉన్న బంధం విషయానికొస్తే.. విజయసాయి రెడ్డి భార్య చెల్లెలి కూతురే అలేఖ్య. విజయసాయి రెడ్డికి కూతురు వరుస. అలాగే తారకరత్న అల్లుడు వరుస అవుతారు. ఈ విషయం ఇప్పటివరకు చాలామందికి తెలియదు. దీంతో ఈ ఆసక్తికర వార్త నెట్టింట వైరల్ అవుతోంది.
2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!
షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?
