Kalki: ప్రభాస్.. ‘కల్కి 2898 ad’ ట్రైలర్లో ఇది గమనించారా?

నాగ అశ్విన్ (Nag Ashwin) ద‌ర్శ‌క‌త్వంలో పాన్ ఇండియా స్టార్ ప్ర‌భాస్ (Prabhas) హీరోగా ‘క‌ల్కి’  (Kalki 2898 AD) చిత్రం తెరకెక్కిన సంగతి తెలిసిందే. జూన్ 27 న ఈ సినిమా ప్రేక్షకుల ముందుకు రానుంది. నిన్న ట్రైలర్ ని కూడా రిలీజ్ చేశారు. అందులో విజువల్స్ అదిరిపోయాయని చెప్పాలి. ఈ ట్రైలర్ లో చాలా పాత్రలు కనిపించాయి. ఇందులో ‘అశ్వ‌ద్ధామ’ పాత్ర‌లో అమితాబ్ బ‌చ్చ‌న్ (Amitabh Bachchan) క‌నిపించ‌బోతున్నారు. ఎక్కువగా ఆయన ఎలివేషన్స్ ఉండటం గమనార్హం. సినిమాలో ఈ పాత్రకి చాలా స్పెషాలిటీ ఉంది. దీపికా పదుకొనే (Deepika Padukone) పాత్రకి రక్షకుడిగా ఈ పాత్ర కనిపిస్తుంది.

ఇదిలా ఉండగా.. ప్రస్తుతం అమితాబ్ బచ్చన్ వయసు 81 ఏళ్ళు. అయినప్పటికీ ఏఐ (ఆర్టిఫిషియ‌ల్ ఇంటిలిజెన్స్‌) సాయంతో అమితాబ్ ని యంగ్ గా చూపించబోతున్నారు. ట్రైలర్ తో ఆ విషయంపై క్లారిటీ వచ్చింది. అంతేకాదు ‘కల్కి 2898 ad’ లో అమితాబ్ మరింత హైట్ గా కనిపిస్తారని కూడా ముందుగా కథనాలు వినిపించాయి. మామూలుగానే అమితాబ్ బాగా హైట్. దాదాపు ఆయన 6 అడుగుల 2 అంగుళాల హైట్ ఉంటారు.

అయితే అశ్వద్ధామ పాత్రలో అమితాబ్ 9 అడుగుల 4 అంగుళాల హైట్ గా కనిపిస్తారని ఆ కథనాలు పేర్కొన్నాయి. తాజాగా రిలీజ్ అయిన ట్రైలర్లో అమితాబ్ బచ్చన్ నిజంగానే చాలా హైట్ గా కనిపించారు. ప్రభాస్ సైతం 6.2 హైట్ ఉన్నప్పటికీ అమితాబ్ ముందు చిన్నగా కనిపిస్తున్నాడు.అందుకు సంబంధించిన విజువల్స్ ను కూడా కొందరు నెటిజన్లు సోషల్ మీడియాలో వైరల్ చేస్తున్నారు. వాటిని మీరు కూడా ఓ లుక్కేయండి :