ప్రభాస్ క్రేజ్ తగ్గట్టుగా చిత్ర నిర్మాణం

యంగ్ రెబల్ స్టార్ ప్రభాస్ కి రోజురోజుకి క్రేజ్ పెరిగిపోతోంది. బహుబలి 2 చిత్రం కోసం ఎదురుచూసే అభిమానులు విస్తరిస్తున్నారు. దర్శకధీరుడు ఎస్.ఎస్. రాజమౌళి వారి అంచనాలకు తగ్గట్టుగా బాహుబలి కంక్లూజన్ ని తీసుకొస్తాడనడంలో ఎటువంటి సందేహం అవసరం లేదు. వచ్చే ఏడాది ఏప్రిల్ 28 తర్వాత డార్లింగ్ కి ఫ్యాన్స్ డబల్ అవుతారు. వారందరిని సంతృప్తి పరిచే పని నెక్స్ట్ సినిమా తీసే దర్శకుడిపై పడింది. ఆ ఒత్తిడిని ఇప్పటి నుంచే భరిస్తున్నారు యంగ్ డైరక్టర్ సుజీత్. “రన్ రాజా రన్” చిత్రంతో అందరినీ ఆకర్శించిన ఈయన ప్రభాస్ తర్వాతి సినిమాను డైరక్ట్ చేస్తున్నారు. డార్లింగ్ రేంజ్ ని దృష్టిలో పెట్టుకొని అన్నివిషయాల్లో మార్పులు చేస్తున్నారు. ఏకకాలంలో మూడు భాషల్లో తెరకెక్కేలా ప్లాన్ చేస్తున్నారు. అందుకు ఇతర భాష రచయితలతో డైలాగులు రాయిస్తున్నారు. మొదట వందకోట్లతో తీద్దామనుకున్న నిర్మాతలు వంశీ, ప్రమోద్ లు ఇప్పుడు బడ్జెట్ ని 150 కోట్లకు పెంచారు.

యూవీ క్రియేషన్ బ్యానర్లో తెరకెక్కనున్న యాక్షన్ థ్రిల్లర్ మూవీలో ప్రభాస్ పోలీసాఫీసర్ పాత్ర పోషించనున్నారు. ఎక్కువ భాగం దుబాయి లో చిత్రీకరణ జరుపుకోనున్న ఈ చిత్రంలో ప్రభాస్ ఫైట్స్ హైలెట్ కానున్నాయి. అందుకోసం హాలీవుడ్ ఫైట్ మాస్టర్ కెన్నీ బేట్స్ ని నియమించుకున్నారు. తాజాగా జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లతో మ్యూజిక్ అందించేందుకు సిద్ధమయ్యారు.  హిందీ నటుడు నీల్ నితిన్ ముఖేష్ విలన్ గా నటించనున్న ఈ మూవీలో హీరోయిన్స్ కోసం వేట సాగిస్తున్నారు. ఇలా ప్రతిదీ స్పెషల్ గా ఉండాలని ప్రీ ప్రొడక్షన్ దశ నుంచే  శ్రమిస్తున్నారు. 2017 ఫిబ్రవరి మొదటి వారం నుంచి రెగ్యులర్ షూటింగ్ కి వెళ్లనున్న ఈ మూవీకి ఇంకెన్ని హంగులు జోడవుతాయో ఇప్పుడే చెప్పలేము.

Also, do SUBSCRIBE to our YouTube channel to get latest Tollywood updates.