మన హీరోలను మీరు హీరో కాకపోతే ఏమై ఉండేవారు అని అడిగితే.. రెండు రకాల సమాధానాలు వినిపిస్తూ ఉంటాయి. ఒకటి నాకు నటన మాత్రమే తెలుసు.. ఇంకేమీ తెలియదు అని అంటుంటారు. ఇది కాకుండా నా చదువుకు తగ్గ ఉద్యోగం ఏదైనా చూసుకుందునేమో అని చెబుతుంటారు. అదే వారసత్వంతో ఇండస్ట్రీలోకి వచ్చిన కుర్ర హీరోలను అడిగితే.. వాళ్ల నుండి రెండో సమాధానం వచ్చే ప్రసక్తే లేదు అనుకోవచ్చు. కానీ అలాంటి సమాధానం ఇవ్వకుండా షాక్‌ ఇచ్చాడు దుల్కర్ సల్మాన్.
మమ్ముట్టి తనయుడిగా మాలీవుడ్‌లో అడుగుపెట్టిన దుల్కర్ సల్మాన్.. అనతికాలంలో తనేంటో నిరూపించుకున్నాడు. అన్ని భాషల్లో కలిపి 30కిపైగా సినిమాల్లో నటించి మెప్పించాడు. మరి అలాంటి దుల్కర్‌ను ‘మీరు హీరో కాకపోతే ఏమై ఉండేవారు’ అని అడిగితే.. ఏమన్నాడో తెలుసా? ‘‘హీరో కాకపోతే ఏంటి అనే ప్రశ్నకు సమాధానం అంటే.. నేనూ ఆలోచించాల్సిన విషయమే. ఎంబీఏ చేశాను కాబట్టి ఇన్వెస్టర్‌గా సెటిల్‌ అయ్యేవాడినేమో అని కూల్‌గా సమాధానమిచ్చాడు దుల్కర్.
ఇక మీకు ఇన్‌స్పిరేషన్‌ ఎవరు అంటే.. ‘‘మా నాన్న మమ్ముట్టినే నాకు ఆదర్శం. ఆయన గర్వపడేలా చేయడమే నా బాధ్యత’’ అని ఎంతో చక్కగా చెప్పాడు దుల్కర్. మరి డైరక్షన్‌ వైపు వెళ్లే ఉద్దేశం ఏదైనా ఉందా అంటే.. ‘కచ్చితంగా ఆ ఆలోచనైతే ఉంది. కానీ, ఇప్పటికిప్పుడు డైరక్షన్‌ సాధ్యపడకపోవచ్చు. భవిష్యత్తులో కచ్చితంగా ప్రయత్నిస్తా. ఒకవేళ నేను సినిమా తీస్తే అది కచ్చితంగా సగటు ప్రేక్షకుల ఊహకు భిన్నంగా ఉంటుంది’’ అంటూ అంచనాలు పెంచేశాడు దుల్కర్.
ముందుగా చెప్పినట్లు పదేళ్ల కెరీర్‌లో చాలా తక్కువ మంది హీరోలు మాత్రమే చేయగలిగే ఫీట్‌ను దుల్కర్ అందుకున్నాడు. ఈ పదేళ్లలో అన్ని భాషల్లో కలిపి 35 చిత్రాలు చేశాడు. ఈ విషయం అడిగితే.. అసలు ఇదో పెద్ద విశేషమే కాదు అని అంటున్నాడు. మలయాళ చిత్ర పరిశ్రమలో అతని తోటి నటులు కొందరు ఏడాదికి 12 సినిమాలు చేస్తున్నారు అంటూ చెప్పుకొచ్చాడు. అంతే కాదు వాళ్ల నాన్న మమ్ముట్టినే 30కిపైగా చిత్రాల్లో నటించిన సందర్భాలున్నాయి అని అన్నాడు. ఆ లెక్కన వారితో పోల్చుకుంటే నేను తక్కువ చేసినట్లే అని నవ్వశాడు దుల్కర్.
Most Recommended Video
అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
