హరీష్ శంకర్ దర్శకత్వంలో స్టైలిష్ స్టార్ అల్లు అర్జున్ నటిస్తున్న దువ్వాడ జగన్నాధం సినిమా మొదలైనప్పటి నుంచి ఇప్పటివరకు ఒక స్టిల్ కూడా బయటికి రాలేదు. ప్రముఖ నిర్మాత దిల్ రాజు నిర్మిస్తున్న ఈ చిత్రంలో బన్నీ లుక్ ఎలా ఉంటుందోనని మెగా అభిమానులు ఆత్రంగా ఎదురుచూస్తున్నారు. ఈనెల 18 (రేపు) న ఫస్ట్ లుక్ రిలీజ్ చేస్తామని చిత్ర బృందం ప్రీ లుక్ ని విడుదల చేసింది. ఇందులో అల్లు అర్జున్ లేకుండా నల్లటి తాడుకు కట్టిన రుద్రాక్ష, విబూది నామాలు, కుంకుమ బొట్టు.. కనిపించాయి. దీంతో ఇందులో బన్నీ బ్రాహ్మణ యువకుడిగా నటిస్తున్నట్లు కన్ఫార్మ్ చేసుకున్నారు. రేపటి లుక్ కోసం వెయిట్ చేస్తుండగా డీజే లుక్ లీక్ అయింది.
షూటింగ్ స్పాట్ లో అల్లుఅర్జున్ పూజారి వేషంలో ఉన్న లుక్ బయటికి వచ్చింది. ప్రస్తుతం ఈ ఫోటో సోషల్ మీడియాలో చక్కర్లు కొడుతోంది. బన్నీ లుక్ సూపర్ అంటూ మెగా ఫ్యాన్స్ సంబరపడుతుండగా, చిత్ర యూనిట్ మాత్రం ఎలా లీకైందబ్బా.. అంటూ తలపట్టుకుంటున్నారు. సరైనోడు వంటి బ్లాక్ బస్టర్ తర్వాత అల్లు అర్జున్ చేస్తున్న ఈ సినిమాపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
