రివీల్ అయిన డీజే ఇంట్రెవెల్ బ్యాంగ్

స్టైలిష్ స్టార్ అల్లు అర్జున్ సినిమాలలో ఇంటరెవెల్ సీన్ అదిరిపోతుంది. బన్నీ, దేశముదురు నుంచి మొన్న వచ్చిన సరైనోడు వరకు విశ్రాంతి ముందు వచ్చే సన్నివేశం ప్రేక్షకుల్లో ఉత్కంఠతను రేకెత్తిస్తోంది. అదే విధంగా అల్లు అర్జున్ తాజా చిత్రం దువ్వాడ జగన్నాథం లోను సూపర్ ఇంట్రెవెల్ బ్యాంగ్ ఉంటుందని తెలిసింది. హరీష్ శంకర్ దర్శకత్వంలో తెరకెక్కుతున్న ఈ మూవీ విశ్రాంతికి ముందు వచ్చే సన్నివేశం వివరాలు తాజాగా బయటికి వచ్చాయి. ఇందులో బన్నీ బ్రాహ్మణ యువకుడిగా ఉంటారని ఫస్ట్ లుక్, టీజర్ ద్వారా తెలిసిపోయింది. ఇక క్యాటరింగ్ చేస్తూ బతికేస్తుంటాడు. అప్పటివరకు నవ్వుతూ, నవ్విస్తూ ఉండే యువకుడు హార్డ్ గా మారే సంఘటన విశ్రాంతికి ముందు జరుగుతుందంట.

దాంతో తన క్యాటరింగ్ ని పక్కన పెట్టి ద్రోహుల దుమ్ముదులిపే పనిలోకి అడుగుపెట్టనున్నట్లు తెలిసింది. ఇంట్రెవెల్ లో బయటికి పోయినవారు వేగంగా తిరిగి వచ్చి సీట్లో కూర్చునేలా ఈ సీన్ ని హరీష్ శంకర్ చిత్రీకరించినట్లు చిత్ర బృందం వెల్లడించింది. పూజ హెగ్డే హీరోయిన్ గా నటిస్తున్న ఈ సినిమాకి రాక్ స్టార్ దేవీ శ్రీ ప్రసాద్ సంగీతాన్ని అందిస్తున్నారు. దిల్ రాజు నిర్మిస్తున్న ఈ మూవీ మే చివరి వారంలో విడుదల కానుంది.

Also, do SUBSCRIBE to our YouTube channel to get latest Tollywood updates.