దువ్వాడ జగన్నాథం ట్రైలర్ లో ఆకట్టుకున్న డైలాగ్స్

సరైనోడు సినిమాలో అల్లు అర్జున్ .. మాస్ ఊరు మాస్ అంటూ డైలాగ్స్ తో అదరగొట్టేసాడు. గబ్బర్ సింగ్ లో ప్రతి డైలాగ్ ని బులెట్ లా రాశారు హరీష్ శంకర్. వీరిద్దరి కలయికలో వస్తున్న దువ్వాడ జగన్నాథంలో అంతకు మించి పంచ్ డైలాగ్స్ ఉంటాయని ట్రైలర్ చెప్పింది. ఒకటిన్నర నిముషాల డీజే ట్రైలర్ లో ఐదు అదిరిపోయే పంచ్ డైలాగ్స్ ఉన్నాయి.

01 . మనం చేసే పనిలో మంచి కనబడాలి కానీ, మనిషి కనపడక్కర్లేదు

02 . పబ్బుల్లో వాయించే డీజే కాదురా.. పగిలిపోయేలా వాయించే డీజేని

03 . ఈ రోజుల్లో మనం అనాల్సింది బుద్ధం శరణం గచ్చామి కాదు సార్, యుద్ధం శరణం గచ్చామి

04 . సత్య నారాయణ పురం అగ్రహారం సాక్షిగా చెబుతున్నా. నేను వాడిని చూసిన రోజే చంపకపోతే నా పేరు దువ్వాడ జగన్నాథమే కాదు. నేను శ్రీ వత్సస గోత్రంలోనే పుట్టలేదు.

ఇలా డైరక్టర్ హీరో క్యారక్టర్ కి మాత్రమే కాకుండా విలన్ క్యారక్టర్ కి కూడా పంచ్ డైలాగ్స్ ఇచ్చారు.

05 . నేను నీలా పెద్ద పెద్ద చదువులు చదువుకోలేదు. పెద్దబాల శిక్ష చదువుకున్నా.

ఈ డైలాగ్స్ డీజే పై అంచనాలను పెంచేసాయి. శ్రీ వెంకటేశ్వర క్రియేషన్స్ పతాకంపై భారీ బడ్జెట్ తో దిల్ రాజు నిర్మిస్తున్న ఈ సినిమా ఈనెల 23 న రిలీజ్ కానుంది.