ఆర్.ఆర్.ఆర్ మూవీకి నాటు నాటు సాంగ్ కు అవార్డ్ రావడంతో దేశవ్యాప్తంగా ఈ సినిమా గురించి మరోసారి చర్చ జరుగుతోంది. ప్రధాని మోదీ, తెలుగు రాష్ట్రాల ముఖ్యమంత్రులు, టాలీవుడ్ స్టార్ హీరోలు రాజమౌళి, తారక్, చరణ్, కీరవాణి, చంద్రబోస్, ప్రేమ్ రక్షిత్ లను ప్రశంసిస్తూ పోస్ట్ లు పెడుతున్నారు. ఈ పోస్ట్ లు అభిమానులకు కూడా ఎంతో సంతోషాన్ని కలగజేస్తున్నాయని కామెంట్లు వ్యక్తమవుతున్నాయి. అయితే ఈ సినిమాకు ఆస్కార్ వచ్చినా ఈ సినిమా నిర్మాత అయిన దానయ్య పేరును ఎవరూ ప్రస్తావించడం లేదు.
గత కొన్ని నెలలుగా ఈ సినిమా ఆస్కార్ ప్రమోషన్స్ లో దానయ్య పాల్గొనకపోవడం ఆయనకు మైనస్ అయింది. డీవీవీ దానయ్య ప్రమోషన్స్ లో పాల్గొని ఉంటే ఆయన పేరు కూడా ఊహించని స్థాయిలో పాపులర్ అయ్యి ఉండేది. ప్రమోషన్స్ విషయంలో దానయ్య నిర్లక్ష్యంగా ఎందుకు వ్యవహరించారో తెలియాల్సి ఉంది. అయితే ఈ సినిమాకు ఆస్కార్ అవార్డ్ రావడంపై దానయ్య స్పందించారు. చిత్ర బృందానికి ఆయన అభినందనలు తెలియజేశారు. చాలా గ్రేట్ గా ఫీలవుతున్నానని భారతీయులంతా గర్వించదగ్గ సమయమని ఆయన అభిప్రాయపడ్డారు.
ఈ సినిమా షూట్ మొదలైన సమయంలో ఈ మూవీకి ఆస్కార్ వస్తుందని అనుకోలేదని ఆయన తెలిపారు. ఆర్.ఆర్.ఆర్ టీమ్ కు అవార్డ్ వచ్చినందుకు మెసేజ్ పాస్ చేశానని దానయ్య అన్నారు. రాబోయే రోజుల్లో తెలుగు సినిమాలకు మరిన్ని అవార్డులు ఖాయమని కామెంట్లు వినిపిస్తున్నాయి. తెలుగు సినిమాకు అవార్డ్ రావడం గర్వంగా ఉందని నెటిజన్లు కామెంట్లు చేస్తున్నారు. ఇది చాలా ప్రౌడ్ మూమెంట్ అని నెటిజన్లు తెలిపారు.
రాజమౌళి టాలెంట్ కు ఎప్పుడో అవార్డ్ రావాల్సి ఉందని ఆలస్యమైందని నెటిజన్లు కామెంట్లు చేశారు. రాబోయే రోజుల్లో టాలీవుడ్ ఖ్యాతి మరింత పెరుగుతుందని అభిప్రాయాలు వినిపిస్తున్నాయి. ఆర్.ఆర్.ఆర్ కు ఆస్కార్ అవార్డ్ తో ప్రపంచ దేశాల దృష్టిని రాజమౌళి ఆకర్షించారు. రాజమౌళి విజువలైజేషన్ మామూలుగా ఉండని ఆయన ఫ్యాన్స్ చెబుతున్నారు.
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
