ఈషా రెబ్బ కెరీర్ కి హెల్ప్ కానీ అరవింద సమేత వీర రాఘవ!

తెలుగు అమ్మాయి ఈషా రెబ్బ ముంబయి భామలతో పోటీపడుతోంది. అమీ తుమీ సినిమా ద్వారా మంచి పేరు తెచ్చుకున్న ఈమె “అ” సినిమాలోను తన నటనతో ఆశ్చర్యపరిచి మంచి ఆఫర్ పట్టేసింది. యంగ్ టైగర్ ఎన్టీఆర్ సినిమా అరవింద సమేత వీర రాఘవలో ఛాన్స్ అందుకుంది. త్రివిక్రమ్ దర్శకత్వంలో రూపుదిద్దుకున్న ఈ మూవీ తన కెరీర్ కి హెల్ప్ అవుతుందని ఆనందపడింది. కానీ ఈ చిత్రం వాళ్ళ ఆమెకి ఒరిగిందేమీలేదని సినీ విశ్లేషకులు చెబుతున్నారు. హీరోయిన్ పూజా హెగ్డే చెల్లిగా తనది పూర్తిగా పరిమితమైన పాత్ర కావడంతో పెర్ఫార్మన్స్ చుపించడానికి ఆస్కారం లేకుండా పోయింది.

పెనివిటి సాంగ్ లో కనిపించేది ఈషానే అయినప్పటికీ ఆమెను పట్టించుకునే స్థితి అక్కడలేదు. ఈ సినిమా ప్రమోషన్లో ఈషా మాట్లాడుతూ అత్తారింటికి దారేది ప్రణీత లాంటి పాత్ర అయితే ఒప్పుకునే దాన్ని కానని చాలా ప్రాధాన్యత ఉండటం వల్లే చేస్తున్నాను అని చెప్పింది. కానీ ప్రణీతకి ఉన్న విలువ కూడా ఇందులో ఈషా రెబ్బకి లేదని అర్ధమయిపోయింది. అందుకే అరవింద సమేత వీర రాఘవ  మూవీ ఈషా రెబ్బ కెరీర్ కి హెల్ప్ కాలేదని సినీ విశ్లేషకులు తేల్చి చెప్పేశారు. అందుకే సుమంత్ .. సుబ్రమణ్యపురం మీదే ఆశలన్నీ పెట్టుకుంది. ఇది హిట్ అయితేనే మరిన్ని అవకాశాలు వచ్చే ఆస్కారం ఉంది.