కోలీవుడ్ స్టార్ హీరో సూర్య తెలుగులో కూడా మంచి ఫ్యాన్ ఫాలోయింగ్ కలిగిన హీరో..! ఈ మధ్య కాలంలో సూర్య సినిమాలు ఇక్కడ పెద్దగా ఆడలేదు. అతని మార్కెట్ కూడా చాలా వరకు డౌన్ అయ్యింది. అందుకు ముఖ్య కారణం సూర్య చేసే సినిమాలు అన్నీ చాలా అడ్వాన్స్డ్ వెర్షన్లుగా ఉండడమే అని లాక్ డౌన్ లో తేలింది. ఇక పాండమిక్ టైములోనే సూర్య నటించిన రెండు సినిమాలు ఓటిటి వేదికగా విడుదలై ఘనవిజయం సాధించాయి.
ఇదిలా ఉండగా.. సూర్య తదుపరి చిత్రమైన ‘ET'(ఎవ్వరికీ తలవంచడు) థియేటర్లలోనే విడుదల కాబోతుంది. పాండిరాజ్ ఈ చిత్రానికి దర్శకుడు.’సన్ పిక్చర్స్’ పతాకంపై కళానిధి మారన్ నిర్మించిన ఈ చిత్రాన్ని… టాలీవుడ్ ప్రముఖ ప్రొడక్షన్ అండ్ డిస్ట్రిబ్యూషన్ హౌస్ అయిన ‘ఏషియన్ మల్టీప్లెక్స్ ప్రైవేట్ లిమిటెడ్’ సంస్థ తెలుగులో విడుదల చేస్తోంది. మార్చి 10న ఈ చిత్రం విడుదల కానుంది. కాగా ప్రమోషన్లలో భాగంగా కొద్దిసేపటి క్రితం ట్రైలర్ ను విజయ్ దేవరకొండతో విడుదల చేయించారు.
‘వాడేమో సైంటిస్ట్ కావాలని ఆశపడ్డాడు. వేరే విధంగా అవ్వాలని నేను ఆశపడ్డాను.కానీ కాలము దైవము వాడిని ఇలా చూడాలని ఆశపడ్డాయి’ అంటూ సూర్య పాత్రని పరిచయం చేస్తూ ట్రైలర్ మొదలైంది.సోషల్ రెస్పాన్సిబిలిటీ కలిగిన యువకుడిగా సూర్య ఈ చిత్రంలో కనిపించబోతున్నాడు. అతనికి జోడీగా ప్రియాంక అరుల్ మోహన్ నటిస్తుంది. హీరో నివసిస్తున్న గ్రామంలోని మహిళలని ఓ నేరస్థుడు మరియు అతని ముఠాతో కలిసి టార్గెట్ చేసి వారిని నాశనం చేయాలనుకుంటాడు.
దీంతో ఊర్లో ఉన్న జనాల మధ్య ఐకమత్యం కూడా దెబ్బతింటుంది. ఈ క్రమంలో హీరో ఆ సమస్యని ఎలా పరిష్కరించాడు.ఈ క్రమంలో అతనికి ఎదురైన పరిస్థితులు ఏంటి అనే కథాంశంతో ఈ చిత్రం తెరకెక్కింది. డి ఇమ్మాన్ అందించిన నేపథ్య సంగీతం, ఆర్ రత్నవేలు సినిమాటోగ్రఫీ ఈ ట్రైలర్ కు హైలెట్ గా నిలిచాయని చెప్పాలి. ట్రైలర్ బాగానే ఉంది. మీరు కూడా ఓ లుక్కేయండి :
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
