యంగ్ టైగర్ ఎన్టీఆర్ జెమినీ ఛానల్ లో ప్రసారమవుతున్న ఎవరు మీలో కోటీశ్వరులు షోకు హోస్ట్ గా వ్యవహరిస్తుండగా ఆశించిన స్థాయిలో రేటింగ్ ను సొంతం చేసుకోవడంలో ఈ షో ఫెయిల్ అవుతుండటం గమనార్హం. సెలబ్రిటీలు హాజరైన ఎపిసోడ్లకు మాత్రమే ఈ షోకు పరవాలేదనిపించే స్థాయిలో రేటింగ్స్ వస్తున్నాయి. ఇప్పటికే ఈ షోకు చరణ్, సమంత, రాజమౌళి, కొరటాల శివ అతిథులుగా హాజరైన సంగతి తెలిసిందే. మరోవైపు ఈ షోకు మహేష్ హాజరైన ఎపిసోడ్ షూటింగ్ ఇప్పటికే పూర్తైనా ఆ ఎపిసోడ్ ఇప్పటివరకు ప్రసారం కాలేదు.
దీపావళికి ఎన్టీఆర్ మహేష్ ఎపిసోడ్ ప్రసారం కానుందని వార్తలు వచ్చినా అ వార్తల్లో కూడా నిజం లేదని సమాచారం. ఈ నెల 18వ తేదీన ఎవరు మీలో కోటీశ్వరులు సీజన్1 ముగించబోతున్నారని ఆ ఎపిసోడ్ లో మహేష్ బాబు కనిపించనున్నారని తెలుస్తోంది. తారక్ మహేష్ లను ఒకే ఎపిసోడ్ లో చూడాలని ఇద్దరు హీరోల ఫ్యాన్స్ కోరుకుంటున్నారు. మహేష్ ఈ ఎపిసోడ్ లో తన సినిమాలకు సంబంధించిన విశేషాలను సైతం అభిమానులతో పంచుకుంటారేమో చూడాల్సి ఉంది.
మహేష్ డిసెంబర్ రెండవ వారం నాటికి సర్కారు వారి పాట షూటింగ్ ను పూర్తి చేయనున్నారని సమాచారం. మహేష్ బాబు త్రివిక్రమ్ మూవీ షూటింగ్ త్వరలో మొదలు కానుంది. వచ్చే ఏడాది మహేష్ రాజమౌళి కాంబో మూవీ మొదలుకానుండగా 2024లో ఈ సినిమా రిలీజయ్యే ఛాన్స్ ఉందని తెలుస్తోంది. ఫారెస్ట్ అడ్వెంచరస్ బ్యాక్ డ్రాప్ లో ఈ సినిమా తెరకెక్కనుంది.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
Home