ఇదివరకు ఒక హీరోయిన్ సెటిల్ అవ్వాలంటే అందంగా ఉంటే సరిపోయేది. కానీ.. ఇప్పుడు ఒక హీరోయిన్ సెటిల్ అవ్వాలంటే మాత్రం టాలెంట్ కంపల్సరీగా ఉండాలి. అలా అందంతో కాక టాలెంట్ తో ప్రేక్షకుల్ని అలరిస్తూ ఒక సాధారణ హీరోయిన్ గా కెరీర్ ను ప్రారంభించి ఆర్టిస్ట్ గా తనను తాను ప్రూవ్ చేసుకున్న కథానాయకి శ్రద్ధా శ్రీనాధ్. ఈ కన్నడ బ్యూటీ “యూ టర్న్” సినిమాతో హీరోయిన్ గా సూపర్ స్టార్ డమ్ సొంతం చేసుకొంది.
“చెలియా” సినిమాతో తెలుగు ప్రేక్షకులను కూడా పలకరించిన శ్రద్ధా శ్రీనాధ్ ఆల్రెడీ తమిళ, మలయాళ, కన్నడ భాషా ప్రేక్షకులకు సుపరిచితురాలే. ఇప్పుడు “జెర్సీ”తో తెలుగు ప్రేక్షకుల్ని పూర్తిస్థాయిలో అలరించేందుకు రెడీ అవుతోంది. ఇవాళ విడుదలైన ట్రైలర్లో చాలా సన్నివేశాల్లో నానిని డామినేట్ చేసింది. అమ్మడి పెర్ఫార్మెన్స్ కి ఆల్రెడీ మన తెలుగు యువత ఫిదా అయిపోయారు. సో, సినిమా హిట్ అయ్యిందంటే మన తెలుగు సినిమాకి మరో మంచి నటీమణి దొరికేసినట్లే. ఆల్రెడీ తెలుగులో అమ్మడికి మంచి ఆఫర్లున్నాయి. మరి ఏమవుతుందో చూడాలి.
