కొరటాల శివ దర్శకత్వంలో సూపర్ స్టార్ మహేష్ బాబు చేస్తున్న రెండో సినిమా భరత్ అనే నేను సినిమా షూటింగ్ వేగంగా సాగుతోంది. హైదరాబాద్‌లోని స్టూడియోలో ప్రత్యేకంగా వేసిన సీయం చాంబర్‌ సెట్ లో నాన్‌స్టాప్‌గా గత నాలుగు రోజులు నుంచి చిత్రీకరణ చేస్తున్నారు. ఈ మూవీతో పాటు మహేష్ కెరీర్ లో ప్రతిష్టాత్మక సినిమా కోసం కూడా పనులు దాదాపు పూర్తి అయ్యాయి. భరత్ అనే నేను సినిమా తర్వాత డైరక్టర్ వంశీ పైడి పల్లి దర్శకత్వంలో మహేష్ మూవీ చేయనున్నారు. ఈ చిత్రం కోసం డైరక్టర్, డీఓపీ పీఎస్ వినోద్, ప్రొడక్షన్ డిజైనర్ సునీల్ బాబు తో కలిసి న్యూ యార్క్ కి వెళ్లారు. అక్కడ అందమైన లొకేషన్స్ ని సెలక్ట్ చేశారు. లొకేషన్స్ సెట్ కావడంతో ఇప్పుడు మ్యూజిక్ పని మొదలు పెట్టారు.
రాక్ స్టార్ దేవీ శ్రీ ప్రసాద్ మూడు ట్యూన్స్ అందించారు. అశ్వినీదత్ తో కలిసి దిల్ రాజు నిర్మిస్తున్న ఈ సినిమా ఫిబ్రవరి నుంచి రెగ్యులర్ షూటింగ్ కి వెళ్ళడానికి అవసరమైన అన్ని పనులను చిత్ర బృదం పూర్తి చేసినట్లు ఫిలిం నగర్ వాసులు చెబుతున్నారు. అమెరికా నేపథ్యంలో సాగే ఈ చిత్రంపై రోజురోజుకి ఆసక్తి పెరుగుతోంది. అలాగే ఏప్రిల్‌ 27న రిలీజ్ కానున్న భరత్ అనే నేను సినిమా కోసం కూడా అభిమానులు వెయిట్ చేస్తున్నారు.
Home