Fahadh Faasil: వైరల్ అవుతున్న ఫహద్ ఫాజిల్ సంచలన వ్యాఖ్యలు!

పుష్ప ది రైజ్ సినిమా ద్వారా ఆల్లు అర్జున్ కు (Allu Arjun)  ఎంత మంచి పేరు వచ్చిందో ఆ సినిమాలో నటించిన ఫహద్ ఫాజిల్ కు (Fahadh Faasil) మంచి పేరు వచ్చింది. అయితే తాజాగా ఒక ఇంటర్వ్యూలో పుష్ప సినిమాతో నాకు వచ్చిందేమీ లేదనే అర్థం వచ్చేలా ఫహద్ ఫాజిల్ సంచలన వ్యాఖ్యలు చేయగా ఆ వ్యాఖ్యలు నెట్టింట వైరల్ అవుతున్నాయి. ఇతర భాషల్లో పుష్ప మూవీ వల్లే క్రేజ్ వచ్చిందా అంటే లేదనే చెబుతానని ఆయన అన్నారు.

ఈ విషయంలో నేను ఎవరినీ తప్పుబట్టడం లేదని ఫహద్ ఫాజిల్ కామెంట్లు చేశారు. నేను దర్శకుడు సుకుమార్ కు (Sukumar) కూడా ఇదే విషయం చెప్పానని ఆయన పేర్కొన్నారు. పుష్ప సినిమాను నేను కేవలం సుకుమార్ గారిపై ఉన్న ప్రేమ, గౌరవంతో మాత్రమే చేశానని ఫహద్ ఫాజిల్ అన్నారు. నా మొదటి ప్రయారిటీ ఎప్పటికీ మలయాళ సినిమానే అని ఫహద్ ఫాజిల్ పేర్కొన్నారు. ఫహద్ ఫాజిల్ కామెంట్లు తెలుగు ప్రేక్షకులకు కొంచెం బాధ కలిగించినా ఆయన అభిప్రాయాన్ని కూడా గౌరవించాలని నెటిజన్లు కామెంట్లు చేస్తున్నారు.

పుష్ప ది రూల్ లో (Pushpa 2: The Rule)  ఫహద్ రోల్ మరింత పవర్ ఫుల్ గా ఉండనుందని సమాచారం అందుతోంది. ఫహద్ ఫాజిల్ భవిష్యత్తు ప్రాజెక్ట్ లతో మరిన్ని భారీ విజయాలను సొంతం చేసుకోవాల్సిన అవసరం అయితే ఉందని నెటిజన్లు చెబుతున్నారు. ఫహద్ ఫాజిల్ రెమ్యునరేషన్ భారీ స్థాయిలోనే ఉందని తెలుస్తోంది. తెలుగులో మరిన్ని భారీ ప్రాజెక్ట్ లకు ఫహద్ ఫాజిల్ గ్రీన్ సిగ్నల్ ఇస్తారేమో చూడాల్సి ఉంది.

సినిమా సినిమాకు తన రేంజ్ ను పెంచుకుంటున్న ఫహద్ ఫాజిల్ ఎంచుకునే పాత్రల విషయంలో సైతం ఎన్నో జాగ్రత్తలు తీసుకుంటున్నారు. ఫహద్ ఫాజిల్ ను అభిమానించే ఫ్యాన్స్ సంఖ్య అంతకంతకూ పెరుగుతుండటం గమనార్హం. ఫహద్ ఫాజిల్ కు సోషల్ మీడియాలో ఫ్యాన్ ఫాలోయింగ్ పెరుగుతోంది.