‘ఆర్.ఆర్.ఆర్’ పూర్తయిన తరువాత మెగాపవర్ స్టార్ రాంచరణ్.. తన తర్వాతి చిత్రాన్ని కోలీవుడ్ స్టార్ డైరెక్టర్ శంక‌ర్ తో చేయబోతున్న సంగ‌తి తెలిసిందే. ఈ మూవీ ప్రీ ప్రొడక్షన్ పనులు శరవేగంగా జరుగుతున్నాయి. ఇప్పటికే హీరోయిన్ గా కియారా అద్వానీ ఎంపికైనట్టు చిత్ర బృందం ఖరారు చేసింది.ఇక తమన్నా, జగపతి బాబు వంటి వారు కూడా కీలక పాత్రలు పోషిస్తున్నట్టు ప్రచారం జరుగుతుంది. ఇక ప్ర‌తినాయ‌కుడిగా ‘పుష్ప’ విలన్ ఫహాద్ ఫాజిల్ ఫిక్సయ్యాడనేది తాజా సమాచారం.
రాజమౌళి,శంక‌ర్ ల సినిమాల్లో హీరోలకు ధీటుగా విలన్ పాత్రలు కూడా ఉంటాయి. కథ ప్రకారం ఈ మూవీలో కూడా పవర్ ఫుల్ విలన్ అవసరం ఉందట. అందుకే ఫహాద్ ఫాజిల్ ను ఎంపిక చేసుకున్నట్టు తెలుస్తోంది. ‘ఒకే ఒక్కడు’ కి సీక్వెల్ తరహాలో ఓ పొలిటిక‌ల్ థ్రిల్ల‌ర్‌ గా ఈ మూవీలో రూపొందుతుందట. ఫాజిల్ ఓ రాజకీయ వేత్తగా కనిపిస్తాడట.ఇతని పాత్ర సినిమాకే హైలెట్ గా నిలిచే విధంగా ఉంటుందని తెలుస్తుంది.
ఆల్రెడీ ఫాజిల్ ఈ మూవీ కథ వినడం దానికి సానుకూలంగా స్పందించడం జరిగిపోయిందట. అయితే అతను ‘పుష్ప’ తో పాటు కమల్ హాసన్- లోకేష్ కనగరాజన్ ల.. ‘విక్రమ్’ మూవీలో కూడా నటిస్తున్నాడు. దాంతో కాల్షీట్లు అడ్జ‌స్ట్ చెయ్యాల్సి ఉందట.అది జరిగిన వెంటనే ఫహాద్ ఫాజిల్ పేరును అధికారికంగా ప్రకటించేస్తుంది ‘ఆర్.సి.15’ యూనిట్. దిల్ రాజు నిర్మిస్తున్న ఈ చిత్రానికి తమన్ సంగీత దర్శకుడు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home