Nani, Sai Pallavi: నాని, సాయిపల్లవి ట్వీట్లతో హర్ట్‌ అవుతున్న ఫ్యాన్స్‌!

‘శ్యామ సింగరాయ్‌’ సినిమా చూసి రామ్‌చరణ్‌ ఇటీవల ఓ ట్వీట్‌ చేశాడు చూశారా? సినిమా ఎలా ఉందో చెబుతూ… నాని, సాయిపల్లవి నటనను తెగ పొగిడేశాడు. కృతి శెట్టి, మడోన్నా సెబాస్టియన్‌, దర్శకుడు రాహుల్‌ సాంకృత్యాన్‌ను కూడా మెచ్చుకున్నాడు. చరణ్‌ ట్వీట్‌కు ఫ్యాన్స్‌ నుండి మంచి స్పందన వస్తోంది. ఫ్యాన్స్ ఆ ట్వీట్‌ను రీట్వీట్లు చేసి, లైక్‌ కూడా చేస్తున్నారు. అంతేకాదు ఆ ట్వీట్‌కు నాని, సాయిపల్లవి కూడా స్పందించారు.

ఇప్పుడు ఆ స్పందనలే రామ్‌చరణ్‌, ఎన్టీఆర్‌ ఫ్యాన్స్‌ను ఇబ్బంది పెడుతున్నాయి. అంతగా ఏమన్నారు అనేగా డౌట్‌. ఆ డౌట్‌ తీరాలి అంటే… ఒకసారి నాని, సాయిపల్లవి రీట్వీట్లను చూడండి. అందులో ముఖ్యంగా ఆఖరి వాక్యం చూడండి మీకే తెలిసిపోతుంది. ‘ఆర్‌ఆర్‌ఆర్‌’ సినిమా గురించేగా అందులో వాళ్లిద్దరూ రాసింది. అవును అందులో ఏముంది అని సగటు ప్రేక్షకుడు అనుకోవచ్చు. కానీ ‘ఆర్‌ఆర్ఆర్‌’ సినిమా కోసం కళ్లు కాయలు కాచేలా వేచి చూస్తున్న ఫ్యాన్స్‌కు పుండు మీద కారం చల్లినట్లు ఉన్నాయి అనేది నెటిజన్ల బాధ.

ఇప్పటికే ‘ఆర్‌ఆర్‌ఆర్‌’ సినిమా వాయిదా పడిందనే బాధలోఉన్న ఫ్యాన్స్‌కు ‘మీ ‘ఆర్ఆర్‌ఆర్‌’ కోసం ఎదురు చూస్తున్నాం’ అంటూ నాని, సాయిపల్లవి చేసిన ట్వీట్లు చూసి బాధేస్తోంది. మాయదారి కరోనా లేకపోయుంటే, ఈ పాటికి ‘ఆర్‌ఆర్‌ఆర్‌’ చూసేసి, రిపీట్‌ కూడా రౌండ్‌ కూడా వేసేసేవాళ్లం అని బాధపడుతున్నారు. అయితే ఏం చేస్తాం, రాజమౌళి ప్లానింగ్‌ కంటే కరోనా ప్లానింగే బలంగా ఉంది. అందుకే అనుకున్న సమయానికి సినిమా రిలీజ్‌ చేయలేకపోతున్నారు. జనవరి 7న విడుదల చేస్తామని చెప్పి తప్పనిసరి పరిస్థితుల్లో వెనక్కి వెళ్లారు.

దీంతో అందరూ నిరాశలో కూరుకుపోయారు. ఈ సమయంలో ‘శ్యామ్‌ సింగరాయ్‌’ టీమ్‌ అలా పెట్టేసరికి బాధపడుతున్నారు అంతే. ‘ఆర్‌ఆర్‌ఆర్‌’ కొత్త రిలీజ్‌ డేట్‌ గురించి రాజమౌళి అండ్‌ టీమ్‌ తీవ్రంగా ఆలోచిస్తున్నారని టాక్‌. అన్నీ వీలైతే ఏప్రిల్‌ ఆఖరులోనో, మేలోనో తెచ్చేద్దామని ప్లాన్‌. అయితే జులైలో తీసుకొస్తారనే వార్తలూ వస్తున్నాయి. మరి ఏం చేస్తారో చూడాలి. జక్కన్న జర దేఖోనా.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!