ఒకే హీరోయిన్ ఓ సినిమాలో కథానాయికగా మరో సినిమాలో చెల్లిగా నటించడం ఎప్పుడైనా చూశారా? అన్నీ అనుకున్నట్లుగా జరిగితే రవితేజ సినిమాలో త్వరలో చూడొచ్చు. అలా కనిపించబోయేది ఫరియా అబ్దుల్లానే. ‘జాతి రత్నాలు’ సినిమాతో టాలీవుడ్లోకి ఎంట్రీ ఇచ్చిన ఫరియా ఈ డిఫరెంట్ ఫీట్ చేయబోతోంది అని సమాచారం. దీనిపై త్వరలో క్లారిటీ వస్తుంది కానీ, ఇప్పుడైతే పుకారు గురించి పూర్తిగా తెలుసుకోండి మరి. రవితేజ ఇప్పుడు వరుసగా సినిమాలు చేసుకుంటూ వెళ్తున్నారు.
‘రామరావు ఆన్ డ్యూటీ’, ‘రావణాసుర’, ‘ధమాకా’, ‘టైగర్ నాగేశ్వరరావు’ అంటూ నాలుగు సినిమాలతో బిజీగా ఉన్నాడు. దీంతోపాటు చిరంజీవి ‘వాల్తేరు వీరయ్య’లో కీలక పాత్రలో కనిపిస్తున్నాడు. పై నాలుగు సినిమాల్లో రెండింటిలో ఫరియా అబ్దుల్లా నటిస్తోంది. అందులో ఒకటి హీరోయిన్ అయితే, మరొకటి సోదరి పాత్ర అట. వినడానికి ఇది కొత్తగా అనిపించినా నిజమేనట. ఇలా ఒకేసారి రెండు రకాల పాత్రలు ఒకే హీరోతో చేయడం కొత్త విషయమనే చెప్పాలి.
సుధీర్ వర్మ దర్శకత్వంలో రూపొందుతున్న ‘రావణాసుర’ చిత్రంలో ఫరియా అబ్దుల్లా కథానాయికగా నటిస్తోంది. ఇటీవల సినిమా ఓపెనింగ్లో ఆమె పాల్గొంది కూడా. ఇక త్రినాథరావు నక్కిన దర్శకత్వంలో రూపొందుతున్న ‘ధమాకా’లోనూ ఫరియా నటిస్తోందట. అయితే ఇందులో రవితేజకి సోదరిగా కనిపించబోతోందట. ఆ సినిమాలో సోదరి పాత్ర.. హీరో పాత్రకు దాదాపు సమానంగా ఉంటుందని అందుకే ఆమెను ఎంచుకున్నారని టాక్. మరి ఆమె ఓకే చెప్పిందా లేదా అనే విషయంలో క్లారిటీ లేదు.
మగరాయుడిలా కనిపించే సోదరి కావడంతో.. దానికి ఫరియా అయితే బాగుంటుందని టీమ్ అనుకుందట. ‘జాతి రత్నాలు’లో కథానాయికగా అద్భుతంగా నటించిన చిట్టి అలియాస్ ఫరియా ఇప్పుడు సోదరి పాత్రలో ఎలా మెప్పిస్తుందో చూడాలి. త్వరలో ఆమె మీద సన్నివేశాల చిత్రీకరణ ఉంటుందని సమాచారం. ఇక ఈ సినిమాలో కథానాయికగా ‘పెళ్లి సందD’ భామ శ్రీలీల నటిస్తోంది. ఇటీవల ఆమెకు సంబంధించిన లుక్ను కూడా టీమ్ రివీల్ చేసింది.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
