సూపర్ స్టార్ మహేష్ బాబు భరత్ అనే నేను వంటి బ్లాక్ బస్టర్ హిట్ తర్వాత వంశీ పైడిపల్లి దర్శకత్వంలో సినిమా చేస్తున్న సంగతి తెలిసిందే. డీజే బ్యూటీ పూజా హెగ్డే హీరోయిన్ గా నటిస్తున్న ఈ చిత్ర మొదటి షెడ్యూల్ డెహ్రాడూన్ లోని కాలేజ్ లో జరిగింది. అదే ఉత్సాహంతో చిత్ర బృందం రెండో షెడ్యూల్ కి సిద్ధమవుతోంది. గోవాకి వెళ్లనుంది. అయితే ఈరోజు మహేష్ పుట్టినరోజు సందర్భంగా ఫస్ట్ లుక్ ని, టీజర్ ని రిలీజ్ చేశారు. ఇవి విశేషంగా ఆకట్టుకుంటున్నాయి. కాలేజ్ స్టూడెంట్ “మహర్షి” గా కొత్త లుక్ తో మహేష్ బాబు అదరగొట్టారు. అభిమానులు పండుగ చేసుకుంటున్నారు. సోషల్ మీడియాలో వీర విహారం చేస్తున్నాయి.
అందుకే టీజర్ కొన్ని గంటల్లోనే 1మిలియన్ డిజిటల్ వ్యూస్ ను క్రాస్ చేసేసింది. దీనిని బట్టి మహర్షి సినిమాపై క్రేజ్ మామూలుగా లేదని అర్ధమవుతోంది. అల్లరి నరేష్ కీలకరోల్ పోషిస్తోన్న ఈ చిత్రం రైతుల కష్టాలపై సాగుతుందని సమాచారం. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ చిత్రాన్ని మహేష్ కెరీర్ లో నిలిపోయే విధంగా వంశీ తెరకెక్కిస్తున్నారు. అటు అమెరికా.. ఇటు ఇండియాని మిక్స్ చేసి చూపించనున్నారు. దిల్ రాజు, అశ్వినీదత్, పీవీపీ సంయుక్తంగా నిర్మిస్తున్న ఈ సినిమా ఉగాది కానుకగా ఏప్రిల్ 5 న థియేటర్లోకి రానుంది.
Home