పాన్ ఇండియా స్టార్ ప్రభాస్ హీరోగా బాలీవుడ్ డైరెక్టర్ ఓం రౌత్ తెరకెక్కిస్తున్న ‘ఆదిపురుష్’ చిత్రం ఓపెనింగ్ రోజునే ఘోర అగ్ని ప్రమాదం జరగడం కల కలం సృష్టించింది. చిత్ర యూనిట్ సభ్యులు వెంటనే అప్రమత్తం అయినప్పటికీ జరగాల్సిన నష్టం అప్పటికే జరిగిపోయిందనే చెప్పాలి. ముంబైలో జరిగిన ఈ అగ్ని ప్రమాద విజువల్స్.. ప్రస్తుతం నెట్టింట్లో హల్ చల్ చేస్తున్నాయి. వీటిని బట్టి చూస్తే షూటింగ్ కోసం వేసిన సెట్ పూర్తిగా దగ్ధం అయినట్లు స్పష్టమవుతుంది.మొదటిరోజే ఇలాంటి ఘోర అగ్ని ప్రమాదం వాటిల్లడం పట్ల..
కొందరు అపశకునం అని కామెంట్లు పెడుతుంటే మరి కొంతమంది మాత్రం ‘ఆదిపురుష్’ కు శకునం బాలేదని.. షూటింగ్ ప్రారంభం రోజునే ఇలాంటి ప్రమాదం జరిగితే ముందు ముందు ఈ చిత్రం షూటింగ్ కు ఎన్ని అవాంతరాలు వస్తాయో అంటూ కొందరు నెటిజన్లు అతి ఉత్సాహంతో కామెంట్లు పెడుతున్నారు. ఇక ‘ఆదిపురుష్’ మోషన్‌ క్యాప్చర్‌ టెక్నాలజీ వర్క్‌ను కూడా ఈ మధ్యనే ప్రారంభించారు చిత్ర యూనిట్ సభ్యులు. ఇక పూజా కార్యక్రమాలతో ఈ రోజున షూటింగ్ ను ప్రారంభించారు. రామాయణం ఆధారంగా రూపొందుతున్న ఈ చిత్రం ప్రభాస్ కు స్ట్రయిట్ బాలీవుడ్ ఎంట్రీ ఫిలిం కావడం విశేషం.
తెలుగు,హిందీతో పాటు తమిళ, మలయాళ, కన్నడ భాషల్లో కూడా ఏక కాలంలో ఈ చిత్రం తెరకెక్కుతోంది. ఇక ఈ ప్రెస్టీజియస్ ప్రాజెక్టులో ప్రభాస్ రాముడిగా కనిపించబోతున్నాడు.ఇక అతన్ని ఢీ కొట్టే రావణాసురుడిగా బాలీవుడ్ స్టార్ హీరో సైఫ్ అలీ ఖాన్ నటిస్తున్నాడు. ‘టీ సిరీస్’ బ్యానర్‌ పై భూషణ్‌ కుమార్‌, కృష్ణన్‌ కుమార్‌లతో కలిసి ఓం రౌత్, ప్రసాద్‌ సుతార్‌, రాజేష్‌ నాయర్‌ వంటి వారు ఈ చిత్రాన్ని ఏకంగా 500 కోట్ల భారీ బడ్జెట్ తో నిర్మిస్తున్నారు.
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
Home