ప్రజల కష్టాలను చూసి భరించలేక సూపర్ స్టార్ మహేష్ బాబు రాజకీయాల్లోకి అడుగుపెడుతున్నారు. సమాజంలో పేరుకు పోయిన నిర్లక్ష్యం, అవినీతిని అంతమొందించడానికి సిద్ధమవుతున్నారు. జనవరి నుంచి ప్రజల మధ్యలోకి వచ్చి సమస్యల పరిష్కారానికి కృషి చేయనున్నారు. ఇదంతా నిజ జీవితంలో కాదు.. సినీ లైఫ్ లో. హిట్ డైరక్టర్ కొరటాల శివ దర్శకత్వంలో ప్రిన్స్ నటించనున్న కొత్త మూవీ జనవరి నుంచి సెట్స్ మీదకు వెళ్లనుంది. “భరత్ అను నేను” అనే టైటిల్ పరిశీలనలో ఉన్నఈ చిత్రంలో మహేష్ బాబు ముఖ్యమంత్రిగా నటించనున్నారు. తన సినిమాల్లో కమర్షియల్ అంశాలతో పాటు.. మెసేజ్ ని మేళవించే కొరటాల ఈ సారి మొత్తం పొలిటికల్ వే లో ఎంటర్ టైన్ చేయనున్నారు.
ఇద్దరు కొత్త హీరోయిన్లు కనువిందు చేయనున్న ఇందులోనూ మంచి మెసేజ్ ఉంటుందంట. డైరక్టర్ ఈ చిత్రానికి కూడా రాక్ స్టార్ దేవీ శ్రీ ప్రసాద్ ని మ్యూజిక్ డైరక్టర్ గా తీసుకున్నారు. పాటల కంపోజింగ్ కూడా మొదలయిందని సమాచారం. శ్రీమంతుడు మూవీకి ఇచ్చినట్లే అద్భుతమైన ఆల్బమ్ ని ఇచ్చే పనిలో దేవీ నిమగ్నమైవున్నారు. మహేష్ బాబు దూకుడు లో కాసేపు ఎంఎల్ఏ గా కనిపించినందుకే అభిమానులు ఆ చిత్రాన్ని సూపర్ హిట్ చేశారు. ఈ సారి ఏకంగా సీఎం గా ప్రిన్స్ కనిపిస్తుంటే బ్లాక్ బస్టర్ హిట్ గ్యారంటీ అని సినీ విశ్లేషకులు భావిస్తున్నారు.
Also, do SUBSCRIBE to our YouTube channel to get latest Tollywood updates.
