ఎన్టీఆర్ ప్రస్తుతం ‘ఆర్.ఆర్.ఆర్’ చిత్రంలో నటిస్తూ బిజీగా గడుపుతున్నాడు. ఈ చిత్రంలో ఆయన కొమరం భీమ్ పాత్రలో కనిపించబోతున్నాడు. ఎన్టీఆర్ కు జోడీగా ఒలీవియా మోరిస్ అనే లండన్ భామ నటిస్తుంది. రాంచరణ్ మరో హీరోగా నటిస్తున్న ఈ చిత్రం షూటింగ్ .. ఇప్పటికే 75 శాతం పూర్తయ్యింది. చరణ్ కు జోడీగా చేస్తున్న అలియా భట్ మరియు ఎన్టీఆర్ సరసన చేస్తున్న ఒలీవియా మోరిస్ పైన చెయ్యాల్సిన సీన్లు మాత్రమే బ్యాలెన్స్ ఉన్నాయి అని సమాచారం.
ఈ చిత్రం కోసం దేశ, విదేశాల్లో సినీ ప్రేక్షకులు ఎంతో ఆసక్తిగా ఎదురుచూస్తున్నారు. ఇదిలా ఉండగా.. చరణ్ పుట్టిన రోజునాడు ‘భీమ్ ఫర్ రామరాజు’ పేరుతో ఓ వీడియోని రిలీజ్ చేసిన సంగతి తెలిసిందే. ఆ వీడియోకి అద్బుతమైన స్పందన లభించింది. ముఖ్యంగా ఎన్టీఆర్ వాయిస్ హైలెట్ గా నిలిచింది. ఇప్పుడు ఎన్టీఆర్ పుట్టిన రోజున కూడా ‘రామరాజు ఫర్ భీమ్’ పేరుతో చరణ్ వాయిస్ తో ఎన్టీఆర్ పాత్రను పరిచయం చేస్తూ ఓ వీడియోని విడుదల చేయబోతున్నారు.
అంతేకాదు… ‘ఆర్.ఆర్.ఆర్’ తరువాత త్రివిక్రమ్ డైరెక్షన్లో ఎన్టీఆర్ ఓ చిత్రం చేస్తున్న సంగతి తెలిసిందే. ఆ చిత్రం టైటిల్ ను కూడా అదే రోజు విడుదల చేస్తారని సమాచారం. ఈ ప్రాజెక్ట్ కు ‘అయినను పోయి రావాలె హస్తినకు’ అనే టైటిల్ అనుకుంటున్నట్టు ప్రచారం జరుగుతుంది. అక్కడితో అయిపోలేదు… ‘ఎన్టీఆర్ 31’ సినిమాకి సంబంధించిన అధికారిక ప్రకటన కూడా అదే రోజు ఇవ్వబోతున్నారు అనే టాక్ బలంగా వినిపిస్తుంది. ఈ మే 20 కి ఎన్టీఆర్ అభిమానులకు ఫుల్ ఫీస్టే అని చెప్పాలి.
Most Recommended Video
అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!
