హైప్ కోసం ఎన్టీఆర్ ను రంగంలోకి దింపుతున్నారు..!

ఎన్టీఆర్ ప్రస్తుతం ‘ఆర్.ఆర్.ఆర్’ చిత్రం కోసం తెగ కష్టపడుతున్నాడు. ఇటీవల వైజాగ్ షెడ్యూల్ లో పాల్గొన్న ఎన్టీఆర్ … ఇప్పుడు తరువాతి షెడ్యూల్ కోసం రెడీ అవుతున్నాడు. ఇదిలా ఉండగా.. తన సినిమాలు చేసుకుంటూనే.. మరో పక్క తన అన్నయ్య కళ్యాణ్ రామ్ సినిమాల ప్రీ రిలీజ్ లేదా సక్సెస్ మీట్ లకు హాజరవుతూ ఉంటాడు. ఇప్పుడు మరోసారి కళ్యాణ్ రామ్ ‘ఎంత మంచివాడవురా’ సినిమా ప్రీ రిలీజ్ కు హాజరు కాబోతున్నాడని సమాచారం.

2020 సంక్రాంతికి మహేష్ బాబు ‘సరిలేరు నీకెవ్వరూ’ , అల్లు అర్జున్ ‘అల వైకుంఠపురములో’ , రజినీ కాంత్ ‘దర్బార్’ వంటి బడా స్టార్ల సినిమాలు విడుదల కాబోతున్నాయి. ఇదే వరుస లో కళ్యాణ్ రామ్ ‘ఎంత మంచివాడవురా’ చిత్రం కూడా విడుదల కాబోతుంది. అయితే ఈ సినిమా పై అంచనాలు పెద్దగా లేవు. ‘శతమానం భవతి’ డైరెక్టర్ సతీష్ వేగేష్న డైరెక్ట్ చేస్తున్న ఈ చిత్రం పై హైప్ లేదు. ఇందు కోసమే ఎన్టీఆర్ ని రంగంలోకి దింపుతున్నట్టు తెలుస్తుంది.

రూలర్ సినిమా రివ్యూ & రేటింగ్!
ప్రతిరోజూ పండగే సినిమా రివ్యూ & రేటింగ్!