Balakrishna, Allu Sirish: బాలయ్య, అల్లు శిరీష్‌ని ఆడుకున్నాడుగా!

October 31, 2022 / 11:11 AM ISTByFilmy Focus

Join Us

Balakrishna, Allu Sirish: బాలయ్య, అల్లు శిరీష్‌ని ఆడుకున్నాడుగా!

నటసింహ నందమూరి బాలకృష్ణ చాలా సంవత్సరాల తర్వాత బయట సినిమా ఫంక్షన్‌కి ముఖ్య అతిథిగా హాజరయ్యారు. అగ్రనిర్మాత అల్లు అరవింద్, మొట్టమొదటిసారిగా బాలయ్యని హోస్ట్‌గా ఇంట్రడ్యూస్ చేస్తూ.. అన్‌స్టాపబుల్ టాక్ షోని తిరుగులేని సెలబ్రిటీ టాక్ షోగా మార్చారు. అప్పుడే అల్లు – నందమూరి కుటంబాల మధ్య ఎన్టీఆర్, అల్లు రామలింగయ్య టైంనుండే మంచి అనుబంధం ఉందనే విషయం అందరికీ తెలిసింది. అలా ‘అఖండ’ కి ఐకాన్ స్టార్ అల్లు అర్జున్ చీఫ్ గెస్టుగా వచ్చాడు.

ఇప్పుడు ఆయన తమ్ముడు, యంగ్ హీరో అల్లు శిరీష్ నటించిన ‘ఊర్వశివో రాక్షసివో’ ప్రీ రిలీజ్ ఈవెంట్‌కి బాలయ్య వచ్చారు. ఈ సందర్భంగా బాలయ్యతో, శిరీష్.. ‘హాట్ సీట్లో మీరుంటారు.. నేను క్వశ్యన్స్ అడుగుతానంటూ’ సరదాగా ప్రశ్నలడిగాడు.. బాలయ్య కూడా అంతే సరదాగా తన స్టైల్లో సమాధానాలిస్తూ అందర్నీ ఆశ్చర్యపరిచారు.. శిరీష్.. ‘‘మీరు పనిచేసిన హీరోయిన్లు.. విజయశాంతి, నయనతార, సిమ్రాన్, అలాగే ఇప్పుడు నటిస్తున్న శృతి హాసన్.. ఈ నలుగురిలో ఎవరు ఊర్వశి?.. ఎవరు రాక్షసి?’’.. అని అడిగాడు.. బాలయ్య.. ‘‘నయనతార ఊర్వశి.. శృతి హాసన్ రాక్షసి’’ అని చెప్పారు.

అలాగే బాలయ్య నటించిన సినిమాల్లో, టైటిల్లో ‘సింహా’ పేరు ఉన్న కొన్ని సినిమాల పేర్లు చెప్పి, ఇంకో సినిమా పేరు చెప్పమని అడగ్గా.. బాలయ్య ‘బొబ్బిలిసింహం’ అని చెప్పారు. శిరీష్.. ‘కాదు సార్’ అంటే.. ‘బొబ్బిలిసింహం’ లో సింహం కాక పులి ఉందా? అంటూ ఫన్నీగా ఆన్సర్ ఇచ్చారు. శిరీష్.. ఆ సినిమా పేరు ‘సింహం నవ్వింది’ అని చెప్పగా.. బాలయ్య ‘‘అందుకే పోయిందా సినిమా.. సింహం నవ్వడమేంటి?.. నువ్వు నాచేత ఫ్లాప్ పిక్చర్ పేరు చెప్పిద్దామని ప్లాన్ చేశావ్’’.. అంటూ జోక్ చేశారు.

బాలయ్య మాటలను పక్కనే ఉన్న అరవింద్, ఆయన సతీమణి నిర్మలతో సహా అతిథులంతా బాగా ఎంజాయ్ చేశారు.‘ఊర్వశివో రాక్షసివో’ మూవీలో అను ఇమ్మానుయేల్ హీరోయిన్ గా నటించగా.. అల్లు అరవింద్ సమర్పణలో, రాకేష్ శశి డైరెక్షన్లో ధీరజ్ మొగిలినేని, విజయ్ కలిసి నిర్మించారు.. నవంబర్ 4న సినిమా ప్రేక్షకుల ముందుకు రానుంది. ఆన్‌లైన్‌లో అల్లు అర్జున్ అభిమానులతో పాటు బాలయ్య బాబు ఫ్యాన్స్‌కి కూడా ఈ మూవీకి కావల్సినంత ప్రమోషన్ చేస్తున్నారు.