Nani, Rahul Ramakrishna: నాని, రాహుల్ రామకృష్ణ ట్విట్టర్ వార్!

కరోనా వైరస్ వ్యాప్తి పెరిగినప్పటి నుంచి సినిమా ఇండస్ట్రీలో చాలా మార్పులు చోటుచేసుకుంటున్నాయి. కరోనాను అరికట్టడానికి ప్రభుత్వం లాక్ డౌన్ విధించడంతో చాలా మంది ఉపాధి కోల్పోయారు. చాలా సినిమాలు ల్యాబ్ లోనే ఉండిపోయాయి. ఈ నేపథ్యంలో దర్శకనిర్మాతలు ఓటీటీలను నమ్ముకుంటున్నారు. ప్రేక్షకులు కూడా ఇంట్లోనే ఉంటూ సినిమాలు చూసుకుంటున్నారు. దీంతో ఏడాదిన్నరగా చాలా సినిమాలు ఓటీటీలో విడుదలవుతున్నాయి.

త్వరలోనే నాని నటించిన ‘టక్ జగదీష్’ సినిమా కూడా ఓటీటీలో విడుదల కాబోతుంది. శివ నిర్వాణ డైరెక్ట్ చేసిన ఈ సినిమాలో రీతూ వర్మ హీరోయిన్ గా నటించింది. ఈ సినిమా షూటింగ్ పూర్తయి చాలా కాలం అవుతున్నప్పటికీ.. సెకండ్ వేవ్ కారణంగా విడుదల వాయిదా పడింది. ఇప్పుడు పరిస్థితులు అనుకూలించకపోవడంతో వినాయకచవితి కారణంగా సినిమాను విడుదల చేస్తున్నారు. అయితే ఈ సినిమా విడుదల విషయంలో హీరో నాని, కమెడియన్ రాహుల్ రామకృష్ణల మధ్య చిన్న గొడవ జరిగింది.

రాహుల్ రామకృష్ణ నటించిన ‘నెట్’ అనే సినిమా కూడా వినాయకచవితి కానుకగా విడుదల కాబోతుంది. దీంతో హీరో నానిని ట్యాగ్ చేస్తూ.. ‘నేను నానికి చాలా పెద్ద అభిమానిని. కానీ సెప్టెంబర్ 10న నా సినిమానే బెస్ట్ గా ఉంటుందనే నమ్మకం నాకుంది’ అంటూ ట్వీట్ చేశారు. ఇది చూసిన నాని ‘జాతిరత్నాలు’ సినిమాలో రాహుల్ చెప్పిన డైలాగ్ ‘నా వల్లే ప్రాబ్లెమ్ అయితే.. నేను ఎల్లిపోతా ఈడికెంచి’ అంటూ ట్వీట్ చేశాడు. ‘నెట్’ సినిమా కూడా అందరూ చూడాలంటూ హ్యాష్ ట్యాగ్ పెట్టారు. వీరిద్దరి మధ్య జరిగిన ఫన్నీ సంభాషణ నెటిజన్లను ఆకట్టుకుంటుంది.

Most Recommended Video

‘డియర్ మేఘ’ సినిమా రివ్యూ& రేటింగ్!
101 జిల్లాల అందగాడు సినిమా రివ్యూ& రేటింగ్!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!