టైటిల్ తో తలనొప్పులు ఎందుకని మార్చేశారు

ఏ సినిమాకైనా రిలీజ్ కి ముందు కష్టాలు ఎదురవ్వడం అనేది సర్వసాధారణం. చిరంజీవి లాంటి మెగాస్టార్ నటించిన సినిమా కూడా విడుదల కష్టాలు ఎదుర్కొన్న సందర్భాలు కోకొల్లలు. అయితే.. అవన్నీ ఆర్ధిక ఇబ్బందులు లేదా సెన్సార్ ఇష్యూస్. కానీ.. విచిత్రంగా నాని సినిమా టైటిల్ కారణంగా ముందుగా ప్లాన్ చేసుకొన్న ఆగస్ట్ నెలలో విడుదల కాలేకపోతుంది. అందుకు కారణం ఏంట్రా అంటే.. ఆల్రెడీ “గ్యాంగ్ లీడర్” అనే టైటిల్ ను ఒక మెగా అభిమాని రిజిష్టర్ చేసుకోవడమే కాదు.. ఏకంగా షూటింగ్ కూడా మొదలెట్టేశాడు.

దాంతో ఫిలిమ్ ఛాంబర్ నుంచి “గ్యాంగ్ లీడర్” సినిమా రిలీజ్ కి సమస్య ఏర్పడే అవకాశం ఉందని తెలిసింది. దాంతో వేరే దారి లేక అర్జెంట్ గా “నానీస్ గ్యాంగ్ లీడర్” అనే టైటిల్ ను రిజిష్టర్ చేయించారు మైత్రీ మూవీ మేకర్స్. గతంలోనూ “కత్తి” సినిమాకి టైటిల్ గొడవలు వస్తే.. హీరో కళ్యాణ్ రామ్ సింపుల్ గా “కళ్యాణ్ రామ్స్ కత్తి” అని టైటిల్ తో రిలీజ్ చేశాడు. ఇప్పుడు నాని కూడా ఇదే ఫార్మాట్ ను ఫాలో అవ్వనున్నాడన్నమాట. సొ, ఇకనుంచి నాని సినిమా పేరు కేవలం “గ్యాంగ్ లీడర్” కాదు.. “నానీస్ గ్యాంగ్ లీడర్”. ఆగస్ట్ 30న విడుదలవ్వాల్సిన ఈ చిత్రం “సాహో” పోస్ట్ పోన్ కారణంగా ఎప్పుడు విడుదలవుతుంది అని విషయంలో క్లారిటీ లేకపోయింది. కావున.. కొత్త రిలీజ్ డేట్ పోస్టర్ తోపాటు కొత్త టైటిల్ ను కూడా ప్రకటించే అవకాశం ఉంది.