2010 లో వచ్చిన ‘వేదం’ తర్వాత అనుష్క, దర్శకుడు క్రిష్ కాంబినేషన్లో రూపొందిన చిత్రం ‘ఘాటి’. విక్రమ్ ప్రభు ఈ చిత్రంతో తెలుగు ప్రేక్షకులకు పరిచయమవుతున్నారు. జగపతి బాబు, చైతన్య రావ్, జాన్ విజయ్, రవీంద్ర విజయ్ వంటి స్టార్స్ కూడా కీలక పాత్రలు పోషించారు. టీజర్ కంటే కూడా ట్రైలర్ బాగా హైలెట్ అయ్యింది అని చెప్పాలి. ‘పుష్ప’ స్టైల్లో సాగినప్పటికీ మాస్ ఆడియన్స్ కి అది రీచ్ అయ్యింది.
అందువల్లే అనేక సార్లు వాయిదా పడినప్పటికీ ‘ఘాటి’ పై అంచనాలు ఉన్నాయి. దర్శకుడు క్రిష్ సినిమాని అనుకున్న బడ్జెట్లోనే తీసి రిలీజ్ కి ముందు బిజినెస్ అయ్యేలా చూసుకుని నిర్మాతని గట్టెక్కించారు. అలాగే థియేట్రికల్ బిజినెస్ కూడా బాగానే జరిగింది అని చెప్పాలి. ఒకసారి వాటి వివరాలు గమనిస్తే :
| నైజాం | 6 cr |
| సీడెడ్ | 3 cr |
| ఆంధ్ర (టోటల్) | 7 cr |
| ఏపీ + తెలంగాణ (టోటల్) | 16 cr |
| రెస్ట్ ఆఫ్ ఇండియా | 5 cr |
| ఓవర్సీస్ | 3 cr |
| మిగిలిన వెర్షన్లు | 1 cr |
| వరల్డ్ వైడ్ టోటల్ | 25 cr |
‘ఘాటి’ చిత్రానికి వరల్డ్ వైడ్ గా రూ.25 కోట్ల థియేట్రికల్ బిజినెస్ జరిగింది. బ్రేక్ ఈవెన్ కోసం రూ.26 కోట్ల షేర్ ను రాబట్టాల్సి ఉంది. పాజిటివ్ టాక్ తెచ్చుకుంటే తప్ప.. ఈ రేంజ్ టార్గెట్ రీచ్ అవ్వడం కష్టమనే చెప్పాలి. పైగా పోటీగా శివకార్తికేయన్ ‘మదరాసి’ సినిమా ఉంది. అలాగే ‘లిటిల్ హార్ట్స్’ సినిమా కూడా ప్రీమియర్స్ తో పాజిటివ్ టాక్ తెచ్చుకుని బాక్సాఫీస్ వద్ద ఆక్యుపెన్సీలు నమోదు చేస్తుంది. మరి వాటి పోటీని తట్టుకుని ‘ఘాటి’ ఎంత వరకు కలెక్ట్ చేస్తుందో చూడాలి.
