God Father: దుబాయ్ వేదికగా గాడ్ ఫాదర్ మరో ఈవెంట్?

September 30, 2022 / 07:03 PM ISTByFilmy Focus

Join Us

God Father: దుబాయ్ వేదికగా గాడ్ ఫాదర్ మరో ఈవెంట్?

మెగాస్టార్ చిరంజీవి తాజాగా నటించిన గాడ్ ఫాదర్ సినిమా అక్టోబర్ 5వ తేదీ విజయదశమి సందర్భంగా ప్రేక్షకుల ముందుకు రావడానికి సిద్ధమైంది. ఈ క్రమంలోనే పెద్ద ఎత్తున సినిమా ప్రమోషన్ కార్యక్రమాలను నిర్వహిస్తూ సినిమాని ప్రేక్షకులలోకి తీసుకు వెళుతున్నారు.ఆచార్య సినిమా డిజాస్టర్ కావడంతో గాడ్ ఫాదర్ విషయంలో మేకర్స్ అన్ని జాగ్రత్తలు తీసుకుని ఈ సినిమా ప్రమోషన్ కార్యక్రమాలను నిర్వహిస్తున్నారు. ఇక ఈ సినిమా విడుదల తేదీ దగ్గర పడటంతో ఇప్పటికే పెద్ద ఎత్తున సినిమా ప్రమోషన్ కార్యక్రమాలను నిర్వహించడమే కాకుండా అనంతపురంలో ఈ ప్రీ రిలీజ్ వేడుకను ఎంతో ఘనంగా నిర్వహించారు.

భారీ వర్షం కురుస్తున్న నేపథ్యంలో అభిమానుల కేకలు కేరింతల నడుమ ఈ కార్యక్రమం మరింత రెట్టింపు ఉత్సాహంతో జరిగిందని చెప్పాలి.ఇకపోతే ఈ సినిమా వేడుకను అనంతపురంలోనే కాకుండా ముంబైలో కూడా నిర్వహించాలని మేకర్స్ ప్లాన్ చేశారు. సల్మాన్ ఖాన్ ముఖ్యఅతిథిగా ఈ వేడుకను నిర్వహించాలని ప్లాన్ చేసినప్పటికీ సల్మాన్ ఖాన్ కి సెక్యూరిటీ ఇబ్బంది అవుతున్న నేపథ్యంలో ఈ ఈవెంట్ ముంబైలో కాకుండా దుబాయ్ లో నిర్వహించాలని మేకర్స్ పెద్ద ఎత్తున ప్లాన్ చేస్తున్నట్టు తెలుస్తోంది.

ఈ క్రమంలోనే ఈ విషయంపై త్వరలోనే అధికారిక ప్రకటన వెలువడునున్నట్లు సమాచారం. ఎంతో ప్రతిష్టాత్మకంగా ఎన్నో అంచనాల నడుమ ఈ చిత్రాన్ని విజయదశమి సందర్భంగా విడుదల చేయనున్నారు. ఆచార్య సినిమా ఫ్లాప్ కావడంతో అభిమానులు కూడా ఈ సినిమాపై ఎన్నో అంచనాలు పెట్టుకున్నారు మరి అభిమానులు అంచనాలను గాడ్ ఫాదర్ చేరుకుంటారా..

లేదా అనే విషయంపై అందరిలో ఎంతో ఆత్రుత ఏర్పడింది. ఇక ఈ చిత్రాన్ని మలయాళంలో సూపర్ హిట్ సాధించిన లూసిఫర్ చిత్రానికి రీమేక్ చిత్రంగా ప్రేక్షకుల ముందుకు రాబోతున్న విషయం మనకు తెలిసిందే.