మెగాస్టార్ చిరంజీవి తాజాగా నటిస్తున్నటువంటి చిత్రం గాడ్ ఫాదర్. ఈ సినిమా అక్టోబర్ 5వ తేదీ ప్రేక్షకుల ముందుకు రానుంది. విజయదశమి సందర్భంగా ఈ సినిమా విడుదల కానున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ క్రమంలోని ఈ సినిమా విడుదలకు మరి ఒక్కరోజు మాత్రమే ఉండడంతో ఈ సినిమా ఫ్రీ రిలీజ్ బిజినెస్ కి సంబంధించిన డీటెయిల్స్ బయటకు వచ్చాయి. ఈ సినిమా ప్రీ రిలీజ్ బిజినెస్ చూస్తే ఆచార్య సినిమా కన్నా చాలా తక్కువ బిజినెస్ జరుపుకున్నట్టు తెలుస్తుంది.
ఆచార్య సినిమా ఎన్నో అంచనాల నడుమ ప్రేక్షకుల ముందుకు వచ్చినప్పటికీ ఈ సినిమా అనుకున్న స్థాయిలో విజయాన్ని అందుకోలేకపోయింది. ఈ క్రమంలోనే ఆచార్య ఎఫెక్ట్ గాడ్ ఫాదర్ సినిమా ఫ్రీ రిలీజ్ బిజినెస్ పై పడిందని తెలుస్తోంది. ఆచార్య సినిమాలో మూడవ వంతు బిజినెస్ గాడ్ ఫాదర్ జరుపుకుందని తెలుస్తుంది. ఏపీ తెలంగాణ రెండు తెలుగు రాష్ట్రాలలో కలిపి ఈ సినిమా 64.6 కోట్ల బిజినెస్ జరుపుకుంది. ఆంధ్ర ఏరియాలో 30 కోట్ల బిజినెస్ జరగగా, నైజాం ఏరియాలో 22 కోట్లు, సీడెడ్ 12.6 కోట్ల రూపాయల బిజినెస్ జరుపుకుంది.
ప్రపంచ వ్యాప్తంగా ఈ సినిమా అన్ని భాషలలో కలిపి 91 కోట్ల ప్రీ బిజినెస్ జరుపుకుంది. ఈ సినిమా తెలుగు, తమిళ, మలయాళం హిందీ భాషలలో విడుదల అవుతున్నప్పటికీ కనీసం 100 కోట్ల బిజినెస్ కూడా జరుపుకోకపోవడం గమనార్హం. ఇకపోతే మెగాస్టార్ చిరంజీవి నటించిన ఆచార్య సినిమా వరల్డ్ వైడ్ ఏకంగా 131కోట్లకు పైగా ప్రీ బిజినెస్ జరుపుకుంది కనీసం ఆచార్య సినిమా ప్రీ బిజినెస్ ను కూడా గాడ్ ఫాదర్ చేయలేకపోయింది.
అయితే ఆచార్య ప్లాప్ కావడం వల్లే ఈ సినిమా కోసం బయర్లు భారీ ధరలకు కొనుగోలు చేయలేకపోతున్నారని తెలుస్తోంది. ఆచార్య సినిమా కొరటాల దర్శకత్వంలో రావడమే కాకుండా,రామ్ చరణ్ మెగాస్టార్ ఇద్దరూ నటించడంతో ఈ సినిమాపై భారీ అంచనాలు ఏర్పడ్డాయి. అయితే ఈ సినిమా ఊహించని విధంగా డిజాస్టర్ అయింది.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
