Chiranjeevi: ‘గాడ్‌ఫాదర్‌’ ఎంతవరకొచ్చింది.. ఆగస్టుకి కష్టమేనా?

June 21, 2022 / 11:23 AM ISTByFilmy Focus

Join Us

Chiranjeevi: ‘గాడ్‌ఫాదర్‌’ ఎంతవరకొచ్చింది.. ఆగస్టుకి కష్టమేనా?

చిరంజీవి ‘గాడ్‌ఫాదర్‌’ సినిమా పేరు ఎత్తగానే ఇటీవల కాలంలో బాగా వినిపించిన వార్త అంటే ‘ఈ సినిమా ఆగస్టులో వచ్చేస్తుంది’ అనే చెప్పాలి. అయితే మొన్నీమధ్య జరిగిన ‘ఆహా’లోని ‘తెలుగు ఇండియన్‌ ఐడల్‌’ మెగాఫైనల్‌ తర్వాత ‘గాడ్‌ఫాదర్‌’ సినిమా విషయంలో చాలా క్లారిటీ వచ్చింది. ఆ క్లారిటీ అంతటిని ఒకటి చేస్తే.. ఈ సినిమా ఆగస్టులో కష్టమే అని అంటున్నారు. ఇంతకీ ఏమైంది అనేగా ప్రశ్న. ఆ కార్యక్రమం ఆఖరులో చిరంజీవి, తమన్‌ ఇచ్చిన కొన్ని హామీల బట్టి చూస్తే..

ఆగస్టులో ‘గాడ్‌ఫాదర్‌’ను చూద్దాం అనుకునేవారికి నిరాశే. మలయాళంలో ఘనవిజయం సాధించిన ‘లూసిఫర్‌’ సినిమాను తెలుగులో ‘గాడ్‌ఫాదర్‌’ అనే పేరుతో రీమేక్‌ చేస్తున్న విషయం తెలిసిందే. చాలా రోజుల క్రితమే మొదలైన ఈ సినిమా ‘ఆచార్య’ ప్రచారం తదితర కారణాల వల్ల ఆలస్యమైంది. ఇప్పుడు సినిమా చిత్రీకరణ ఇంకా చాలా పెండింగ్‌ ఉందని అర్థమవుతోంది. సినిమాలో అన్నాచెల్లెళ్లు చిరంజీవి – నయనతార మధ్య ఓ మాంటేజ్‌ సాంగ్‌ ఉంటుందట. దాని చిత్రీకరణ ఇంకా పూర్తి అవ్వలేదట.

ఆ పాటను ‘తెలుగు ఇండియన్‌ ఐడల్‌’లో ఓ సింగర్‌కి ఇచ్చారు. ఆమె పాడిన తర్వాత… నయనతార తన హనీమూన్‌ పూర్తి చేసుకున్నాక ఆ పాట చిత్రీకరణ ఉంటుందంటున్నారు. ఇక కార్యక్రమం హోస్ట్‌ శ్రీరామచంద్రకి ఓ పాట పాడే అవకాశం ఇచ్చారు చిరంజీవి అండ్‌ తమన్‌. మరోవైపు సల్మాన్‌ఖాన్‌, చిరంజీవిపై ఓ పాట చిత్రీకరణ పెండింగ్‌ ఉందని సమాచారం. దీనికి సంబంధించి పాట రికార్డింగ్‌ పూర్తి కానందు వల్లే ఆ చిత్రీకరణ ఆలస్యమవుతోందని సమాచారం.

అంతకంటే ముందే ఈ ఎపిసోడ్‌ ప్రోమోలోనే ‘చిరంజీవి వచ్చి ‘గాడ్‌ఫాదర్‌’ మ్యూజిక్‌ ఎప్పుడిస్తావ్‌’ అని అడిగితే ఏం చెప్పాలి అని తమన్‌ తనను తాను ప్రశ్నించుకున్నట్లు చూపించారు. ఇదంతా చూస్తుంటే సినిమా షూటింగ్‌ పూర్తవ్వడానికి ఇంకా చాలా టైమ్‌ పడుతుంది అని చెబుతున్నారు. ఆ లెక్కన ఆగస్టులో కష్టమే కానీ విజయదశమికే ‘గాడ్‌ఫాదర్‌’ను చూడాల్సి ఉంటుంది. సో ఆగస్టు రెండో వారం లాంగ్‌ వీకెండ్‌ను చిన్న సినిమాలు, కుర్ర స్టార్‌ల సినిమాలతో ప్రేక్షకులు ఎంజాయ్‌ చేయాల్సిందే.