Good Luck Sakhi Trailer: ‘గురు’ కి సీక్వెల్ కాదు కదా..!

నేషనల్ అవార్డ్ విన్నింగ్ యాక్ట్రెస్ అయిన కీర్తి సురేష్ నటించిన మరో విమెన్ సెంట్రిక్ మూవీ ‘గుడ్ లక్ సఖి’. ఇది స్పోర్ట్స్ డ్రామా కూడా..! చాలా కాలంగా మూలాన పడి ఉన్న ఈ చిత్రం ఎట్టకేలకు జనవరి 28న థియేట్రికల్ రిలీజ్ కానుంది. ఆది పినిశెట్టి , జగపతి బాబు కీలక పాత్రలు పోషిస్తున్న ఈ చిత్రానికి నగేష్ కుకునూర్ దర్శకత్వం వహించగా దేవి శ్రీ ప్రసాద్ సంగీతం అందించాడు.

రిలీజ్ డేట్ దగ్గర పడుతుండడంతో ప్రమోషన్లను వేగవంతం చేస్తూ కొద్దిసేపటి క్రితం ట్రైలర్ ను విడుదల చేసింది చిత్ర బృందం. ట్రైలర్ విషయానికి వస్తే.. దేశంలోనే టాప్ షూటర్లను తయారు చేయాలని ఓ కోచ్(జగపతి బాబు) తీర్మానించుకుంటాడు. అందుకోసం పెట్టిన షూటర్స్ కోచింగ్ సెంటర్లో హీరోయిన్( కీర్తి సురేష్) జాయిన్ అవుతుంది. ఈమెను ఊర్లో అంతా బ్యాడ్ లక్ సఖి అంటుంటారు. దురదృష్టానికి కేరాఫ్ అడ్రెస్ గా ఈమెను భావిస్తారు.

అయితే ఈమెకు అండగా ఆది పినిశెట్టి, జగపతి బాబు పాత్రలు నిలుస్తాయి. ఆ క్రమంలో ఈమెకు ఎలాంటి కష్టాలు, అవమానాలు ఎదురయ్యాయి… చివరికి ఆమె లక్ష్యాన్ని ఛేదించి ‘గుడ్ లక్ సఖి’ గా ఎలా నిలిచింది అనేది మెయిన్ కథగా ట్రైలర్ ను కట్ చేశారు. వెంకటేష్ ‘గురు’ సినిమా చూసిన వాళ్ళకి ‘గుడ్ లఖ్ సఖి’ ట్రైలర్ కొత్తగా ఏమీ అనిపించదు. చిరంతన్ దాస్ కెమెరా పనితనం బాగున్నట్టు అనిపిస్తుంది.

రాక్‌స్టార్ దేవి శ్రీ ప్రసాద్ అందించిన నేపధ్య సంగీతం కూడా ట్రైలర్ కు హైలెట్ గా నిలిచింది. డబ్బింగ్ విషయంలో ఎక్కడో తేడా కొడుతోంది. సినిమా చూస్తున్నప్పుడు ఎలా అనిపిస్తుందో మరి. తెలుగు, తమిళం మరియు మలయాళ భాషల్లో ఏకకాలంలో విడుదల కాబోతున్న ‘గుడ్ లఖ్ సఖి’ ట్రైలర్ సో సోగా ఉంది. ఇంట్రెస్ట్ ఉంటే ఓ లుక్కేయండి :

బంగార్రాజు సినిమా రివ్యూ & రేటింగ్!

చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!