అభిమానులకు శుభవార్త చెప్పిన ప్రభాస్

యంగ్ రెబల్ స్టార్ ప్రభాస్ తన అభిమానులకు శుభవార్త చెప్పారు. ఆదివారం సాయంత్రం ‘బాహుబలి – ది కంక్లూజన్’ ప్రీ రిలీజ్ వేడుక రామోజీ ఫిల్మ్ సిటీలో వైభవంగా జరిగింది. రాజమౌళి, కీరవాణి, ఇతర టెక్నీషియన్లు బాహుబలి 2 గురించి వివరించి ఆసక్తిని పెంచారు. అలాగే ప్రభాస్ మాటలు వినేందుకు అభిమానులు ఎదురుచూసారు. వారందరిని ఆశ్చర్యపరుస్తూ డార్లింగ్  గాల్లో ఎగురుతూ వేదిక మీదికి ఎంట్రీ ఇచ్చారు. దీంతో ఆనందించిన ఫ్యాన్స్ కి ప్రభాస్ శుభవార్త చెప్పి ఆనందాన్ని రెట్టింపు చేశారు.

“ఒక సినిమా కోసం రెండేళ్లు, మరొక సినిమా కోసం ఇంకో రెండేళ్లు ఎదురుచూశారు. ఇకపై అలా ఉండదు. సంవత్సరానికి కనీసం రెండు సినిమాలు చేసేలా ప్లాన్ చేస్తాను. తప్పకుండా చేస్తాను” అని మాట ఇచ్చారు. దీంతో అభిమానులు తమ ఆనందాన్ని చప్పట్ల ద్వారా తెలియజేసారు. ఇక నుంచి తన అభిమాన హీరో సినిమాలు ఏడాదికి రెండు చూడవచ్చని సంబరపడ్డారు.

Also, do SUBSCRIBE to our YouTube channel to get latest Tollywood updates.