బ్యాక్ టు బ్యాక్ మెగాహీరోల సినిమాలు!

ఇండస్ట్రీలో మెగా ఫ్యామిలీ ఎంత పెద్దదో అందరికీ తెలిసిందే. ఈ ఫ్యామిలీ నుండి చాలా మంది హీరోలు ఇండస్ట్రీలో పని చేస్తున్నారు. వాళ్లలో ఏదో హీరో ఏదొక సినిమా చేస్తూనే ఉంటాడు. ఏదో ఓ సినిమా థియేటర్లో ఆడుతూనే ఉంటుంది. 2021లో మాత్రం మెగాహీరోల సినిమాలన్నీ వరుసగా రాబోతున్నాయి. దాదాపుగా అందరి హీరోల రిలీజ్ డేట్లు ఫిక్స్ అయిపోయాయి. ముందుగా ఫిబ్రవరి 12నవైష్ణవ్ తేజ్ ‘ఉప్పెన’ సినిమా ప్రేక్షకులను పలకరించబోతుంది.

మేలో మెగాస్టార్ ‘ఆచార్య’ సినిమా రావడం ఖాయం. రిలీజ్ డేట్ ప్రకటించనప్పటికీ.. డేట్ విషయంలో చిత్రబృందం ఓ నిర్ణయానికి వచ్చినట్లు సమాచారం. ఆగస్ట్ 13న అల్లు అర్జున్- సుకుమార్ ల ‘పుష్ప’ రిలీజ్ కాబోతుంది. మరో మెగా హీరో వరుణ్ తేజ్ నటిస్తోన్న ‘గని’ జూలై 30న రిలీజ్ కాబోతుంది. పవన్ కళ్యాణ్ ‘వకీల్ సాబ్’ సినిమా ఏప్రిల్ లో.. అలానే ‘అయ్యప్పనుమ్ కొశియుమ్’ రీమేక్ కూడా ఇదే ఏడాదిలో ఉంటుందని చెబుతున్నారు.

రామ్ చరణ్-ఎన్టీఆర్‌ల మల్టీస్టారర్ ‘ఆర్ఆర్ఆర్’ అక్టోబర్ 13నవిడుదల కాబోతుంది. సాయి ధరం తేజ్ ‘రిపబ్లిక్’, కళ్యాణ్ దేవ్ ‘సూపర్ మచ్చి’ సినిమాలు సెట్స్ పై ఉన్నాయి. ఇవి కూడా వేసవిలో విడుదల కాబోతున్నాయి. మొత్తానికి ఈ ఏడాది మొత్తం మెగాహీరోల సినిమాలు థియేటర్లలో హడావిడి చేయడానికి రెడీ అవుతున్నాయన్నమాట!

Most Recommended Video

ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
సౌత్ లో సక్సెస్ అయిన టాక్ షోలు.. ఏ తారలు హోస్ట్ చేసినవంటే..!
వరల్డ్ రికార్డ్ కొట్టి.. టాలీవుడ్ స్థాయిని పెంచిన సెలబ్రిటీల లిస్ట్..!
ఆ హీరోలు వద్దంటే.. విజయ్ – బన్నీ ఒప్పుకున్నారట!