Aaradugula Bullet Trailer: గోపీచంద్ మార్క్ యాక్షన్ ట్రైలర్.. బానే ఉంది..!

గోపీచంద్ – న‌య‌న‌తార హీరో హీరోయిన్లుగా బి. గోపాల్‌ దర్శకత్వంలో తెరకెక్కిన చిత్రం ‘ఆరడుగుల బుల్లెట్‌’. ‘జయబాలజీ రీల్‌ మీడియా ప్రైవేట్‌ లిమిలెట్‌’ పతాకం పై తాండ్ర రమేష్‌ నిర్మాణంలో రూపొందిన ఈ చిత్రం నిజానికి 4 ఏళ్ళ క్రితమే రిలీజ్ కావాలి కానీ ఆర్ధిక లావాదేవీల కారణంగా ఆగిపోయింది. అయితే ఇప్పుడు ఆ ఆటంకాలన్నీ తొలగిపోయి నిర్మాతలకు క్లియరెన్స్ లభించడంతో అక్టోబర్ 8న ఈ సినిమాని రిలీజ్ చేస్తున్నట్టు ఈ మధ్యనే అధికారిక ప్రకటన చేశారు.

ప్రచార కార్యక్రమాల్లో భాగంగా ప్రమోషన్స్ ను కూడా షురూ చేసింది చిత్ర బృందం. ఇందులో భాగంగా తాజాగా ట్రైలర్ ను విడుదల చేశారు. ఈ ట్రైలర్లో మొత్తం గోపీచంద్ మార్క్ యాక్షన్ ఎలిమెంట్స్ ఉన్నాయి. బలాదూర్ గా తిరిగే ఓ కొడుకు… ఆ కొడుకుని ఎప్పుడూ తిట్టిపోసే తండ్రి.అనుకోకుండా ఆ తండ్రికి విలన్ తో భూమి విషయంలో గొడవ. అప్పుడు ఆ కొడుకు తండ్రికి అండగా నిలబడడం. స్టోరీ మొత్తం గతంలో చూసినట్లే అనిపిస్తుంది.

అయితే గోపీచంద్ మార్క్ యాక్షన్ సన్నివేశాలు అలరించే విధంగా కనిపిస్తున్నాయి. ‘నా కుటుంబమే నా ఆస్తి.. దాని మీద కాశి కాదు కదా.. వాడమ్మా మొగుడొచ్చినా సరే రెక్టార్ స్కేల్ పగిలిపోద్ది’ అంటూ చెప్పే డైలాగ్ ఆకట్టుకుంటుంది. మ‌ణిశ‌ర్మ బ్యాక్ గ్రౌండ్ స్కోర్ కూడా గూజ్ బంప్స్ తెప్పించే విధంగానే ఉంది. కాకపోతే పాత సినిమా ట్రైలర్ ను చూస్తున్న ఫీలింగ్ కలగడమే మైనస్ అని చెప్పాలి. మరి ఈ సినిమా ప్రేక్షకులను ఎంతవరకు ఆకట్టుకుంటుందో చూడాలి..!

రిపబ్లిక్ సినిమా రివ్యూ & రేటింగ్!

హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!