Gopichand: ఆ కారణం వల్లనే నాకు ‘ఒక్కడు’ సినిమాలో ఛాన్స్ మిస్ అయ్యింది: గోపీచంద్

June 29, 2022 / 11:27 AM ISTByFilmy Focus

Join Us

Gopichand: ఆ కారణం వల్లనే నాకు ‘ఒక్కడు’ సినిమాలో ఛాన్స్ మిస్ అయ్యింది: గోపీచంద్

గోపీచంద్ హీరోగా ‘పక్కా కమర్షియల్’ అనే చిత్రం రూపొందింది. మారుతి ఈ చిత్రానికి దర్శకుడు.అల్లు అరవింద్ గారి సమర్పణలో ‘జి ఎ 2 పిక్చర్స్’ బ్యానర్ పై బన్నీ వాస్ ఈ చిత్రాన్ని నిర్మించారు. విడుదలైన టీజర్, ట్రైలర్, పాటలు ప్రేక్షకులను బాగా ఆకట్టుకున్నాయి. గతంలో ఎన్నడూ లేని విధంగా గోపీచంద్ తన చిత్రాన్ని భారీ ఎత్తున ప్రమోట్ చేస్తున్నాడు. తాజాగా గోపీచంద్ ‘పక్కా కమర్షియల్’ సినిమా ప్రమోషన్లలో భాగంగా ‘అలీతో సరదాగా’ అనే షోలో పాల్గొన్నాడు.

ఇందులో అలీ అడిగిన ప్రశ్నలన్నిటికీ ఆసక్తికరమైన సమాధానాలు చెప్పాడు గోపీచంద్. అదే క్రమంలో కొంచెం ఫ్లాష్ బ్యాక్ కు వెళ్లి ‘నిజం’ సినిమా రోజులని గుర్తుచేశాడు. ‘నిజం’ సినిమాలో మహేష్ బాబుని చిత్ర హింసలు పెట్టె విలన్ గా గోపీచంద్ నటించాడు. అయితే గోపీచంద్ కి ‘ఒక్కడు’ సినిమాలో కూడా అవకాశం వచ్చిందట. ఆ సినిమాలో విలన్ ప్రకాష్ రాజ్ ప్లేస్ లో గోపీచంద్ ను కూడా అడిగారట.

ఆ టైంలో ప్రకాష్ రాజ్ కాల్షీట్లు బిజీగా ఉండడం వలన గోపీచంద్ ను సంప్రదించిందట ‘ఒక్కడు’ యూనిట్. దర్శకుడు గుణశేఖర్.. గోపీచంద్ కు తన పాత్ర గురించి కూడా చెప్పారట. అయితే ఆ తర్వాత ప్రకాష్ రాజ్.. ‘నేను డేట్స్ అడ్జస్ట్ చేస్తాను’ అని చెప్పడంతో ప్రకాష్ రాజ్ నే ఫైనల్ చేశారు అని గోపీచంద్ తెలిపాడు.

An interesting story behind Okkadu movie scene1

అయితే గతంలో ఓ సందర్భంలో మహేష్ బాబు.. గోపీచంద్ ను ‘ఒక్కడు’ సినిమాలో విలన్ గా వద్దు ఆల్రెడీ అతనితో ‘నిజం’ చేశాను కదా.. అని అతన్ని తప్పించినట్టు చెప్పుకొచ్చాడు. గోపీచంద్ ఆ విషయాన్ని రివీల్ చేయకుండా చాలా మెచ్యూర్డ్ విషయాన్ని సైడ్ ట్రాక్ కు పంపించినట్టు స్పష్టమవుతుంది.