గోపీచంద్ ఈసారి హిట్ కొట్టేలాగానే ఉన్నాడుగా..!

January 29, 2021 / 07:53 AM ISTByFilmy Focus

Join Us

గోపీచంద్ ఈసారి హిట్ కొట్టేలాగానే ఉన్నాడుగా..!

యాక్షన్ హీరో గోపీచంద్ ఇప్పుడు కామెడీ హీరోగా మారాడా అంటే నిజమే అంటున్నారు ఫిలిం నగర్ తమ్ముళ్లు. సీటీమార్ అంటు కాబడ్డీ నేపథ్యంలో గోపీచంద్ చేస్తున్న సినిమా నుంచి ఇప్పుడు ఆసక్తికరమైన ఎన్నో వార్తలు వినిపిస్తున్నాయి. ఈ సినిమాని సంపత్ నంది తనదైన స్టైల్లో తెరకెక్కిస్తున్నాడట. తెలంగాణా – ఆంధ్రా జట్ల మధ్య జరిగే ఈ కబడ్డీ పోటీలు అద్దిరిపోతాయని చెప్తున్నారు. తెలంగాణా జట్టు కోచ్ గా తమన్నా, ఆంధ్రా జట్టు కోచ్ గా గోపీచంద్ యాక్టింగ్ సినిమాకే హైలెట్ అని అంటోంది మూవీ టీమ్.

అయితే, ఈ సినిమా అంతా కామెడీ నేపథ్యంలో సాగుతుంట. ముఖ్యంగా తమన్నా, గోపీచంద్ ల మద్య వచ్చేసీన్స్, అలాగే వెన్నెల కిషోర్ కామెడీ టైమింగ్ అదుర్స్ అనే వార్తలు వినిపిస్తున్నాయి. గోపీచంద్ – వెన్నెల కిషోర్ కి మధ్య నడిచే కామెడీ ట్రాక్ సినిమాకు హైలెట్ గా ఉంటుందని అంటున్నారు. సెకండ్ ఆఫ్ లో కూడా కావాల్సినంత కామెడీ ఉంటుందని అంటున్నారు. సరైన సక్సెస్ కోసం ఎదురుచూస్తున్న గోపీచంద్ కు ఈ సినిమా తో బంపర్ హిట్ కొట్టేస్తాడట.

ఎందుకంటే యాక్షన్ మూవీస్ లో కంటే కూడా గోపీచంద్ సరదాగా ఉండే సినిమాలే సూపర్ సక్సెస్ లు అయిన సంగతి తెలిసిందే. ఇప్పుడు ఇదే సెంటిమెంట్ గోపీచంద్ కి వర్కౌట్ అవుతుందనే అంటున్నారు. ఇప్పటికే సినిమాకి రెండు తెలుగు రాష్ట్రాల్లో మంచి ప్రీ రిలీజ్ బిజినెస్ జరుగుతున్నట్లుగా సమాచారం. ఈ సినిమా ఏప్రిల్ 2వ తేదిన విడుదలకు సిద్ధమవుతున్న సంగతి తెలిసిందే. అదీ మేటర్.