Gopichand: కెరీర్ విషయంలో గోపీచంద్ రిస్క్ చేస్తున్నారా?

June 17, 2022 / 08:03 PM ISTByFilmy Focus

Join Us

Gopichand: కెరీర్ విషయంలో గోపీచంద్ రిస్క్ చేస్తున్నారా?

కెరీర్ తొలినాళ్లలో వరుస విజయాలను సొంతం చేసుకున్న గోపీచంద్ ప్రస్తుతం కెరీర్ విషయంలో ఒడిదొడుకులు ఎదుర్కొంటున్న సంగతి తెలిసిందే. అయితే పక్కా కమర్షియల్ సినిమాతో పక్కాగా సక్సెస్ సాధిస్తానని గోపీచంద్ భావిస్తున్నారు. భారీ బడ్జెట్ తో గీతా ఆర్ట్స్ బ్యానర్ పై ఈ సినిమా తెరకెక్కుతున్న సంగతి తెలిసిందే. ఈ సినిమా తర్వాత శ్రీవాస్ డైరెక్షన్ లో భారీ బడ్జెట్ తో తెరకెక్కే ఒక సినిమాకు గోపీచంద్ గ్రీన్ సిగ్నల్ ఇచ్చారు.

అయితే ఈ సినిమాతో పాటు రాధాకృష్ణ కుమార్ డైరెక్షన్ లో ఒక సినిమాకు గోపీచంద్ గ్రీన్ సిగ్నల్ ఇచ్చారని సోషల్ మీడియాలో వార్తలు ప్రచారంలోకి వస్తున్నాయి. గోపీచంద్ హీరోగా తెరకెక్కిన జిల్ సినిమాతో దర్శకునిగా రాధాకృష్ణ కుమార్ ప్రయాణం మొదలైంది. ఈ సినిమా బాక్సాఫీస్ వద్ద యావరేజ్ రిజల్ట్ ను అందుకుందనే సంగతి తెలిసిందే. ఈ సినిమా తర్వాత ప్రభాస్ హీరోగా తెరకెక్కిన రాధేశ్యామ్ సినిమాకు రాధాకృష్ణ కుమార్ దర్శకత్వం వహించారు.

అయితే బాక్సాఫీస్ వద్ద రాధేశ్యామ్ సినిమా డిజాస్టర్ గా నిలిచిందనే సంగతి తెలిసిందే. రాధేశ్యామ్ తర్వాత రాధాకృష్ణ కుమార్ కు కొత్త సినిమా ఆఫర్లు రావడం కష్టమని ఇండస్ట్రీలో వినిపించింది. అయితే రాధాకృష్ణ కుమార్ కు గోపీచంద్ ఛాన్స్ ఇచ్చారని ఇండస్ట్రీ వర్గాల్లో వినిపిస్తుండగా ఈ ప్రాజెక్ట్ కు సంబంధించి అధికారిక ప్రకటన రావాల్సి ఉంది. రాధేశ్యామ్ ఫ్లాప్ తర్వాత చాలామంది రాధాకృష్ణ కుమార్ ను ట్రోల్ చేశారు.

ప్రభాస్ ఇచ్చిన మంచి అవకాశాన్ని రాధాకృష్ణ కుమార్ సద్వినియోగం చేసుకోలేకపోయారని కామెంట్లు వ్యక్తమయ్యాయి. రాధాకృష్ణ కుమార్ కు గోపీచంద్ నిజంగా ఛాన్స్ ఇస్తే గోపీచంద్ సినిమాతో ఈ దర్శకుడు కచ్చితంగా సక్సెస్ సాధించాల్సి ఉంది. పక్కా కమర్షియల్ ప్రమోషన్స్ లో భాగంగా గోపీచంద్ ఈ ప్రాజెక్ట్ కు సంబంధించి క్లారిటీ ఇచ్చే అవకాశాలు అయితే ఉన్నాయని చెప్పవచ్చు.