వెనక్కి తగ్గిన గోపీచంద్.. కారణమేంటంటే..?

టాలీవుడ్ హీరో గోపీచంద్, దర్శకుడు సంపత్ నంది కాంబినేషన్ లో తెరకెక్కుతోన్న చిత్రం ‘సీటీమార్’. చిట్టూరి శ్రీనివాసరావు నిర్మించిన ఈ సినిమాలో తమన్నా హీరోయిన్ గా నటించింది. భారీ బడ్జెట్ తో నిర్మించిన ఈ సినిమాను ఏప్రిల్ 2న విడుదల చేయాలని నిర్ణయించుకున్నారు. నాగార్జున ‘వైల్డ్ డాగ్’, కార్తీ నటించిన ‘సుల్తాన్’ సినిమాను ఇదే డేట్ న వస్తున్నాయని తెలిసినప్పటికీ.. గోపీచంద్ మాత్రం వెనక్కి తగ్గలేదు. పవన్ కళ్యాణ్ ‘వకీల్ సాబ్’ మరో వారంలో ఉందని తెలిసి కూడా అదే పట్టుదలతో ఉన్నారు.

సీజీ వర్క్ లు అలా ఉంచి.. సెన్సార్ కూడా చేయించేశారు. కానీ ఇప్పుడు ఆ సీజీ వర్క్ లు ఆలస్యం అయ్యేలా ఉన్నాయి. క్లైమాక్స్ ఫైట్ సీజీ ఫుటేజ్ రావడానికి మరో మూడు రోజుల సమయం పడుతుందని తెలుస్తోంది. సినిమా విడుదలకి వారం రోజులు కూడా సమయం లేదు. సీజీ వర్క్ హడావిడిలో పడి ప్రమోషన్స్ కూడా సరిగ్గా చేయలేదు. దీంతో ఇప్పుడు సినిమాను తప్పనిసరి పరిస్థితుల్లో వాయిదా వేస్తున్నట్లు తెలుస్తోంది.

అయితే కొత్త డేట్ విషయంలో ఇంకా ఎలాంటి నిర్ణయం తీసుకోలేదని సమాచారం. పవన్ సినిమా వచ్చిన రెండు వారాల పాటు సినిమాను రిలీజ్ చేయలేరు కాబట్టి ఏప్రిల్ చివర్లో సినిమాను విడుదల చేసే ఛాన్స్ ఉంది. కానీ అప్పుడు రానా ‘విరాటపర్వం’ రిలీజ్ కు ఉంది. అది దాటితే ఆ తరువాత ‘ఆచార్య’ వచ్చేస్తుంది. కాబట్టి ‘విరాటపర్వం’తో పాటు ‘సీటీమార్’ కూడా విడుదలయ్యే ఛాన్స్ ఉందని తెలుస్తోంది.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!