Gossip Review in Telugu: గోస్సిప్ సినిమా రివ్యూ & రేటింగ్!

ప్రకాశం కూడా తనకు సొంత కూతురు ఉన్నప్పటికీ.. అజంతాను తన పెద్ద కూతురిలా చూసుకుంటాడు. అయితే అజంతా పెరిగి పెద్దయ్యాక, స్నేహితులతో కలిసి సరదాగా పబ్బులకు, పార్టీలకు వెళ్తూ ఉంటుంది. అదే సమయంలో తేజ (మహేష్ ఎడ్లపల్లి) అనే కుర్రాడితో ప్రేమలో పడుతుంది. దీన్ని గమనించిన ఆ ఏరియా కుర్రాళ్లు ఆమె గురించి తప్పుగా ప్రచారం చేస్తారు. ఆ మాటలు అజంతా మావయ్య ప్రకాశం చెవిన పడతాయి. దీంతో ఒకరోజు ప్రకాశం.. అజంతా జాతకాన్ని తీసుకెళ్లి రోనీ (30 ఇయర్స్ పృథ్వీ) అనే జ్యోతిష్యుడికి చూపిస్తాడు. అజంతా జాతకం చూసిన రోనీ.. ‘ఆమెది దరిద్రపు జాతకమని, పుడుతూనే తల్లిని లేదా తండ్రిని మింగేస్తుందని, అలాగే వయసుకొచ్చాక ఎఫైర్లు కూడా ఎక్కువగా పెట్టుకుంటుందని, కాబట్టి సాధ్యమైనంత త్వరగా పెళ్లి చేసేయమని’ చెబుతాడు.

ప్రకాశం వెంటనే వెళ్లి ఈ విషయాలన్నీ రమేష్‌కు చెబుతాడు. ఈ క్రమంలో ‘నా కూతురి క్యారెక్టర్‌ను తక్కువ చేసి మాట్లాడతావా?’ అంటూ కోపంతో ప్రకాశాన్ని ఇంట్లో నుంచి బయటకు గెంటేస్తాడు రమేష్.కానీ ప్రకాశం మాటలు మనసులో ఉండిపోవడంతో.. తాను చూసిన ప్రవీణ్ (గురు చరణ్) అనే కుర్రాడిని పెళ్లి చేసుకోమని అజంతాను రమేష్ ఒత్తిడి చేస్తాడు. అందుకు అజంతా ఒప్పుకోదు. ‘నా లైఫ్ నా ఇష్టం’ అంటూ తండ్రిని ఎదిరిస్తుంది. దీంతో తీవ్ర మనస్తాపానికి గురైన రమేష్‌కు హార్ట్ ఎటాక్ వస్తుంది.ఆ వెంటనే ప్రాణాలు విడుస్తాడు. ఆ తర్వాత అజంతా జీవితం ఏమైందనేదే మిగిలిన కథ.

నటీనటుల పనితీరు: ఇది ఆల్మోస్ట్ విమెన్ సెంట్రిక్ మూవీ అయినప్పటికీ.. రాశీ సింగ్ మెయిన్ లీడ్ పోషించినప్పటికీ, పెర్ఫార్మెన్సుల్లో మాత్రం ఎక్కువ మార్కులు కొట్టేసింది రవివర్మ అనే చెప్పాలి. హీరోయిన్ మావయ్య పాత్రలో రవివర్మ పరకాయ ప్రవేశం చేసేశాడు. సహజత్వానికి చాలా దగ్గరగా ఉండే పాత్ర ఇది. ఇక రాశీ సింగ్ విషయానికి వస్తే.. ఆమె ఎందుకో ఈ పాత్రకి సెట్ అయినట్టు అనిపించలేదు. ఆమెకంటే యంగ్ గా ఉండే అమ్మాయి చేస్తే బాగుండేదేమో. పెర్ఫార్మన్స్ పరంగా కూడా రాశీ సింగ్ ఇంప్రెస్ చేసింది ఏమీ లేదు.నవ్వినా.. ఏడ్చినా ఆమె ఎక్స్ప్రెషన్స్ ఒకేలా ఉండటం వల్ల.. అజంతా పాత్రకి ఆమె న్యాయం చేయలేకపోయింది అని చెప్పాలి. తండ్రి పాత్ర చేసిన విజయ్ అధిరాజ్ మాత్రం పర్ఫెక్ట్ క్యాస్ట్ అనిపించుకున్నాడు. 30 ఇయర్స్ పృథ్వీ పాత్ర వేణు స్వామికి స్పూఫ్..లా ఉంటుంది. ఆ పాత్ర వచ్చినప్పుడు ప్రభాస్, నాగచైతన్య- సమంత, రాజకీయ అంశాలపై వేణుస్వామి చేసిన కామెంట్స్ ని కూడా గుర్తుచేశారు. మిగతా నటీనటుల పాత్రలు అంతగా ఇంపాక్ట్ చూపలేదు.

సాంకేతిక నిపుణుల పనితీరు: ‘గోస్సిప్’ టైటిల్ కార్డ్స్ పడిన విధానం బాగుంది. అందుకు దర్శకుడు వైభవ్ కౌండిన్యని అభినందించాల్సిందే. అతనిలో టాలెంట్ ఉంది అని టైటిల్ కార్డ్స్ తో అర్థమైపోతుంది. అతను ఎంపిక చేసుకున్న పాయింట్ థియేటర్ ఆడియన్స్ కనెక్ట్ అయ్యేది కాదు. కానీ స్క్రీన్ ప్లేతో మేజిక్ చేసే అవకాశం ఉంది. కానీ కథకుడిగా ఓకే అనిపించినప్పటికీ దర్శకుడిగా మాత్రం పాస్ మార్కులు వేయించుకోలేకపోయాడు వైభవ్. కథనం చాలా లేజీగా సాగుతుంది. సీరియల్ ని తలపిస్తుంది. ఏమాత్రం గ్రిప్పింగ్ గా, ఎంగేజింగ్ గా అనిపించదు. ఇంతకు ముందు చెప్పుకున్నట్టు మావయ్య పాత్రనే సినిమాలో హైలెట్.కానీ దానికి ప్రాపర్ ఎండింగ్ లేదు. ఏదో షార్ట్ ఫిలింని ముగించినట్టు ముగించేశాడు దర్శకుడు. కొన్ని సంభాషణలు మాత్రం బాగున్నాయి. ముఖ్యంగా కూతురికి పెళ్లిచేసే విషయంలో తండ్రి ఎలా ఆలోచించాలి అనేది వర్ణించిన తీరు బాగుంది. ‘ఫిదా’ వంటి బ్లాక్ బస్టర్ సినిమాకి సంగీతం అందించిన శక్తికాంత్ కార్తీక్ కొంత గ్యాప్ తర్వాత ఈ సినిమాకి సంగీతం అందించాడు. బ్యాక్ గ్రౌండ్ స్కోర్ బాగుంది. సినిమాటోగ్రఫీ కూడా ఓకే. నిర్మాణ విలువలు తీసిపారేసే విధంగా అయితే లేవు.

విశ్లేషణ: ‘గోస్సిప్’ ఇంట్రెస్టింగ్ గా మొదలైనప్పటికీ.. తర్వాత సీరియల్ టైపు టేకింగ్ తో బోర్ కొట్టిస్తుంది. 20 నిమిషాల షార్ట్ ఫిలింని 2 గంటల పాటు సాగదీశారనిపిస్తుంది. థియేటర్లలో ఈ సినిమా నిలబడటం అన్ని విధాలా కష్టమే. అందుకే మేకర్స్ కూడా ఈ ప్రాపర్ గా ప్రమోట్ చేయలేదని అర్ధం చేసుకోవచ్చు.

ఫోకస్ పాయింట్: షార్ట్ ఫిలిం కంటెంట్.. సీరియల్ ను తలపించే టేకింగ్

రేటింగ్: 1.5/5