Allu Arjun ICON Movie: బన్నీ తరువాత మూవీ డైరెక్టర్ ఇతనా?

July 2, 2021 / 09:43 AM ISTByFilmy Focus

Join Us

స్టార్ హీరో అల్లు అర్జున్ తరువాత సినిమా విషయంలో సస్పెన్స్ కొనసాగుతోంది. అల్లు అర్జున్ సన్నిహితుడు బన్నీవాస్ బన్నీ తరువాత సినిమా ఐకాన్ అని స్పష్టం చేసినా అల్లు అర్జున్ మాత్రం ఐకాన్ గురించి ఎక్కడా స్పందించడం లేదు. జులై 5వ తేదీ నుంచి బన్నీ పుష్ప షూటింగ్ లో పాల్గొననుండగా 40 రోజులు ఈ మూవీ షూటింగ్ జరగనుందని తెలుస్తోంది. పుష్ప పార్ట్ 1 తర్వాత బన్నీ మురుగదాస్ డైరెక్షన్ లో నటించనున్నారని ఇండస్ట్రీ వర్గాల్లో వినిపిస్తోంది.

కోలీవుడ్ టాప్ ప్రొడ్యూసర్లలో ఒకరైన ఎస్ థానుతో బన్నీ ఒక సినిమాకు ఒప్పందం చేసుకున్నారని ఈ మూవీ కోసం బన్నీ రికార్డు స్థాయిలో రెమ్యునరేషన్ తీసుకుంటున్నారని భోగట్టా. ఈ సినిమాకు మురుగదాస్ దర్శకత్వం వహించే అవకాశాలు ఎక్కువగా ఉన్నాయని త్వరలోనే ఈ మూవీ షూటింగ్ ప్రారంభం కానుందని సమాచారం. బన్నీ మురుగదాస్ కాంబో గురించి గతంలో వార్తలు వచ్చినా ఆ వార్తలు నిజం కాలేదు. అల్లు అర్జున్ లేదా మురుగదాస్ క్లారిటీ ఇస్తే మాత్రమే ఈ వార్తలో నిజానిజాలు తెలిసే అవకాశాలు అయితే ఉంటాయి.

అల వైకుంఠపురములో సినిమాతో ఇండస్ట్రీ హిట్ అందుకున్న అల్లు అర్జున్ పాన్ ఇండియా ప్రాజెక్టులకే గ్రీన్ సిగ్నల్ ఇస్తున్న నేపథ్యంలో బన్నీ కొత్త ప్రాజెక్టుల విషయంలో సందేహాలు నెలకొన్నాయి. స్టైలిష్ స్టార్ నుంచి ఐకాన్ స్టార్ గా మారిన అల్లు అర్జున్ ఐకాన్ ప్రాజెక్ట్ విషయంలో ఎలాంటి నిర్ణయం తీసుకుంటారో చూడాల్సి ఉంది.