టాలీవుడ్ స్టార్ డైరెక్టర్ గుణశేఖర్ ప్రస్తుతం సమంత ప్రధాన పాత్రలో ‘శాకుంతలం’ సినిమాను తెరకెక్కిస్తున్నాడు. షూటింగ్ దశలో ఉన్న ఈ సినిమాను త్వరలోనే ప్రేక్షకుల ముందుకు తీసుకురానున్నారు. ఈ సినిమా తరువాత రానా హీరోగా ‘హిరణ్యకశ్యప’ను మొదలుపెడతానని ఇటీవల గుణశేఖర్ చెప్పారు. అయితే ఈ ప్రాజెక్ట్ నుండి సురేష్ బాబు నిర్మాతగా తప్పుకున్నారని సమాచారం. అలా అయితే ఇప్పుడు మళ్లీ గుణశేఖర్ నిర్మాత కోసం వెతుక్కోవాల్సిన పరిస్థితి కలుగుతుంది. ఇదిలా ఉండగా..
దీంతో పాటు ‘ప్రతాపరుద్రుడు’ అనే మరో కథను కూడా సిద్ధం చేసి పెట్టుకున్నాడు గుణశేఖర్. ఇందులో టైటిల్ రోల్ ఎవరు పోషిస్తారనే విషయంలో ఆసక్తికరమైన వార్త చక్కర్లు కొడుతోంది. అదేంటంటే.. సూపర్ స్టార్ మహేష్ బాబు ఈ సినిమాలో నటించే అవకాశాలున్నాయట. నిజానికి గతంలో గుణశేఖర్-మహేష్ బాబు కాంబినేషన్ లో మూడు సినిమాలు వచ్చాయి. అందులో ‘ఒక్కడు’ తప్ప ‘అర్జున్’, ‘సైనికుడు’ రెండూ వర్కవుట్ అవ్వలేదు. ఇప్పుడు మరోసారి మహేష్ బాబుని డేట్స్ అడగాలని చూస్తున్నాడు గుణశేఖర్. ప్రస్తుతం మహేష్ చాలా బిజీగా ఉన్నారు.
‘సర్కారు వారి పాట’ సినిమాను పూర్తి చేసే పనిలో పడ్డారు. దీని తరువాత త్రివిక్రమ్ సినిమా, ఆ తరువాత లైన్ లో రాజమౌళి సినిమా ఉంది. ఈ లెక్కన చూస్తుంటే ఇప్పట్లో మహేష్ బాబు కాల్షీట్స్ దొరకడం కష్టమనే అనిపిస్తుంది. గుణశేఖర్ మాత్రం మహేష్ ని కలిసి కథ వినిపించాలనుకుంటున్నారు. ఆయన కాదంటే అప్పుడు రానాతోనే సినిమా చేయాలనుకుంటున్నారు. మరి మహేష్ ఛాన్స్ ఇస్తాడో లేదో చూడాలి!
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home