సినిమాలకు బాగా ఎలివేషన్లు ఎవరు ఇస్తారు అని లిస్ట్ రాస్తే… ఎక్కువగా దర్శకులే వస్తారు. అయితే కొంతమంది నిర్మాతలు కూడా ఈ విషయంలో మందుంటారు. దర్శకులు సినిమాల్లో ఎలివేషన్లు ఇస్తే, ఈ నిర్మాతలు బయట సినిమా అప్‌డేట్ల విషయంలో అలాంటి ఎలివేషన్లే ఇస్తుంటారు. అందులో ఒకరు బండ్ల గణేశ్‌ అయితే, మరొక నిర్మాత నాగవంశీ. చాలా తక్కువమందికే ఉన్న ఈ ఫీచర్‌ వీళ్లకూ ఉంది. అలా నాగవంశీ ఇప్పుడు ఓ సినిమాకు ఇంకా చెప్పాలంటే సినిమాలోని ఓ పాటకు ఎలివేషన్‌ ఇచ్చారు.
‘గుంటూరు కారం’ సినిమాకు సంబంధించి అప్డేట్ ఇవ్వండి అంటూ నాగవంశీని చాలా రోజులుగా అభిమానులు, నెటిజన్లు అడుగుతున్నారు. అయితే వరుస చిత్రీకరణలతో సినిమా టీమ్‌ బిజీగా ఉండటంతో ఎలాంటి అప్‌డేట్లు రావడం లేదు. సినిమాకు సంక్రాతి డేట్‌ ఇవ్వడం, షూటింగ్‌ పెండింగ్‌ ఉండటమే కారణం. అయితే అనూహ్యంగా నిన్న (సోమవారం) సాయంత్రం నాగవంశీ ఓ ట్వీట్‌ చేశారు. అందులో సినిమాలోని ఓ మాస్ బీట్‌ సాంగ్‌ గురించి చెప్పారు.
ముగ్గుల పండగ సందర్భంగా మహేష్ బాబు – త్రివిక్రమ్‌ల (Guntur Kaaram) ‘గుంటూరు కారం’ సినిమా వస్తుంది. ఈ మేరకు గుంటూరు కారం లాంటి ఘాటైన సినిమా రెడీ అవుతోంది. ఇందులో మహేష్‌బాబు, శ్రీలీల మీద ఓ పాటను చిత్రీకరిస్తున్నారట. ఆ పాట ఏ రేంజిలో ఉంటుందో చెబుతూ నిర్మాత నాగవంశీ ఓ ట్వీట్‌ చేశారు. ‘‘స్పైసీ మాస్ నంబర్ విజువల్స్ ఇప్పుడే చూశాను! మంట పుట్టించారు. సూపర్ స్టార్ మహేష్ బాబు, శ్రీలీల చితక్కొట్టేశారు’’ అని ట్వీట్‌ చేశారు.
దాంతోపాటు ఓ స్టిల్‌ను కూడా రిలీజ్‌ చేశారు. అందులో మహేష్ తనదైన స్టైల్‌లో, శ్రీలీల చీరకట్టులో మెరిసిపోయారు. ఈ సినిమా నుండి త్వరలో విడుదల కానున్న మూడో ఆట నుండే ఈ విజువల్‌ అని తెలుస్తోంది. త్వరలో పాట ప్రోమోను విడుదల చేస్తారు అని సమాచారం. అప్పుడు ఆ ఘాటు ఏంటో ఫ్యాన్స్‌ కూడా చూడొచ్చు. ‘గుంటూరు కారం’ అసలు రుచి చూడాలంటే జనవరి 12 వరకు ఆగాల్సిందే.
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
Home
