‘అయ్యప్పనుమ్ కొషియం ’ సినిమా ఇప్పుడు చిత్రీకరణ జరుపుకుంటోందనే విషయం తెలిసిందే. పవన్‌ కల్యాణ్‌ పోలీసు పాత్రలో అదరగొడుతున్నాడనేది ఇన్‌సైడ్‌ టాక్‌. అది పక్కనపెడితే ఆ పాత్రలో నటించాల్సింది నందమూరి బాలకృష్ణ అనే విషయం మీకు తెలుసు కదా. తొలుత ఈ సినిమాను బాలకృష్ణ, రవితేజ కాంబోలో తెరకెక్కిద్దామని హారికహాసిని క్రియేషన్స్‌ అనుకుంది. అదీ సితార ఎంటర్‌టైన్మెంట్స్‌ బ్యానర్‌ మీద. అయితే సినిమా మెటీరియలైజ్‌ కాలేదు. ఇప్పుడు పవన్‌, రానాతో తీస్తున్నారు.
బాలకృష్ణ ఆ సినిమాను ఓకే చేయకపోవడంతో ఇంకా సితార వాళ్ల దగ్గర డేట్స్‌ అలానే ఉన్నాయట. దీంతో ప్రస్తుతం సితార టీమ్ బాలయ్య కోసం కథలు వెతుకుతోందనేది కొత్త టాక్‌. బాలకృష్ణ కోసం ఓ కథను రెడీ చేసుకొని ఓకే చేయించుకున్నాక, తర్వాత డైరక్టర్‌ను వెతుకుదామని చూస్తున్నారట. దీని కోసం సీనియర్ రైటర్లు, దర్శకులను సంప్రదిస్తున్నారట. ఈ క్రమంలో వీరి నడక పరుచూరి బ్రదర్స్‌ వరకూ వచ్చిందని టాక్‌. బాలయ్యకు సరిపడే కథలు బ్రదర్స్‌ దగ్గర ఉన్నాయట. మరి అందులో ఒకటి ఓకే అవుతుందేమో చూడాలి.
బాలయ్య ప్రస్తుతం ‘అఖండ’ పనుల్లో ఉన్నారు. అయితే కరోనా పరిస్థితుల వల్ల సినిమా ఆలస్యమవుతోంది. వచ్చే నెల విడుదల కావాల్సి ఉన్నా వాయిదా వేశారు. ఈ సినిమా తర్వాత మైత్రీ మూవీ మేకర్స్‌- గోపీచంద్‌ మలినేని సినిమాలో నటిస్తాడరు. ఆ తర్వాత సితార ఎంటర్‌టైన్మెంట్స్‌ సినిమా ఉండబోతోంది అని తెలుస్తోంది. ఈ కరోనా సెకండ్‌ సీజన్‌ పూర్తయ్యేలోపు సితార టీమ్‌కి కథ, దర్శకుడు ఓకే అయిపోతాడేమో చూడాలి.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
