కృష్ణగాడి వీర ప్రేమగాథ చిత్ర విజయం తరువాత ఆ చిత్ర దర్శకుడు హను రాఘవపూడి దర్శకత్వంలో ఎన్‌టి‌ఆర్ చిత్రం ఉంటుందని వార్తలు వినవచ్చాయి. ఈ ప్రాజెక్ట్ ఇప్పుడు ఖరారు అయ్యిందని అంటున్నాయి ఫిల్మ్ నగర్ వర్గాలు. ‘ కృష్ణగాడి వీర ప్రేమగాథ విజయం తరువాత హను.. ఎన్‌టి‌ఆర్ ను కలిసి ఓ ప్రేమకథ వినిపించాడు. ఈ కథ ఎన్‌టి‌ఆర్ కు ఎంతో బాగా నచ్చడంతో ఈ చిత్రంలో నటించడానికి ఆయన అంగీకరించాడు. ప్రస్తుతం హను ఈ కథకు తుది మెరుగులు దిద్దుతున్నాడ’ని ఎన్‌టి‌ఆర్ సన్నిహిత వర్గాల సమాచారం. కాగా కొరటాల శివ దర్శకత్వంలో తెరకెక్కుతున్న జనతా గ్యారేజ్ చిత్రంలో ఎన్‌టి‌ఆర్ ప్రస్తుతం నటిస్తుండగా.. ఈ చిత్రం తరువాత పూరి జగన్నాథ్, వక్కంతం వంశీలు తెరకెక్కించనున్న చిత్రాల్లో ఎన్‌టి‌ఆర్ నటించనున్నాడు. మరి ఈ చిత్రం ఎప్పుడు పట్టాలేక్కుతుందో వేచిచూడాలి.
