టాలీవుడ్‌ దర్శకుల్లో హరీశ్ శంకర్ రూటే వేరు. ఆయన సినిమాల్లాగే ఆయన మాటలు కూడా చాలా మాస్‌గా ఉంటాయి. హీరో పాత్రలో వేరియేషన్లలా ఆయనలో కూడా అలాంటి వేరియేషన్లు ఉంటాయి. తనతో ఎలా మట్లాడితే రిటర్న్‌లో అలాంటి రిప్లై వస్తుంటుంది. అలాగే తాను చూసిన దానిని, చెప్పాలి అనుకుదాని గురించి ఎలాంటి మొహమాటం లేకుండా చెప్పేస్తారు. ఇంచుమించు రామ్‌ గోపాల్‌ వర్మలా అనుకోండి. అయితే హరీశ్ ఆయనలా అడ్డగోలు మనిషి కాదు.
ఇప్పుడు ఆయన గురించి ఎందుకు అంటే… అలాంటి వ్యక్తి ఇప్పుడు ‘యానిమల్’ సినిమా రివ్యూ చెప్పారు. రణబీర్ కపూర్ – రష్మిక ప్రధాన పాత్రల్లో సందీప్ రెడ్డి వంగా తెరకెక్కించిన సినిమా ఇది. ఇటీవల విడుదలైన ఈ సినిమా రూ. వందల కోట్ల అభిషేకం జరుపుకుంటోంది. ఇప్పటికే ఈ సినిమా గురించి సినిమా సెలబ్రిటీలు ఇంట్రెస్టింగ్‌ రివ్యూలు ఇస్తున్నారు. త్రిష, రేణు దేశాయ్, ఆర్జీవీ ఇచ్చేశారు. తాజాగా హరీశ్ శంకర్ (Harish Shankar) రివ్యూ చెప్పేశారు.
‘పేరులోనే ‘వంగా’ అని ఉన్నప్పుడు… విమర్శలకు, విశ్లేషణలకు వంగుతాడనుకోవడం అమాయకత్వం. సినిమాకు రూల్స్‌ ఉన్నాయి అని అనుకుంటే.. సందీప్ బ్రేక్ చేసి చూపించాడు అంటూ హరీశ్ శంకర్ రాసుకొచ్చారు. ఇంకా దాంతోపాటు సినిమా గురించి ఇంకొన్ని విషయాలు చెప్పారు. కథ గురించి వాదించొచ్చు కానీ, విజయం గురించి వాదించలేం. దాదాపుగా నాకు తెలిసిన వాళ్లందరూ సినిమాను రెండుసార్లు చూశారు అంటూ ఎలివేషన్‌ ఇచ్చారాయన.
సినిమా నిడివి ఎక్కువ ఉంటే ప్రేక్షకులు థియేటర్లకు రారేమో అనే అపోహను సందీప్ ఇంటర్వెల్‌లో వాడిన గన్‌తో పేల్చేశారు. అందుకు ఆయన కృతజ్ఞతలు అంటూ తనదైన శైలిలో కామెంట్‌ చేశారు. అంతేకాదు రష్మిక మందన గురించి మాట్లాడుతూ ‘‘క్రష్మికకు నా అభినందనలు. గీతాంజలిగా చక్కగా నటించి అందరి ఆదరణ సొంతం చేసుకుంది’’ అంటూ సింపుల్‌గా చెప్పేశారు. డిసెంబరు 1న విడుదలైన ఈ సినిమా రూ. 500 కోట్లకుపైగా వసూలు చేసి భారీ విజయం అందుకుంది.
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
Home