Harish Shankar, Chiranjeevi: చిరంజీవి – హరీశ్‌ శంకర్‌ కాంబోలో సినిమా… అన్నీ ఓకే అయ్యాయా?

తెలుగు సినిమాల్లో కామెడీ – యాక్షన్‌ కలగలిపి సినిమాలు తీయడం దిట్ట అనే దర్శకుల పేర్లు లిస్ట్‌ రాస్తే అందులో కచ్చితంగా హరీశ్‌ శంకర్‌ (Harish Shankar) పేరు ఉంటుంది. ఇప్పటివరకు ఆయన చేసిన సినిమాలు, హీరోలు ఈ జానర్‌కి చెందినవారే. ఇప్పుడు అచ్చంగా అలాంటి కథతోనే చిరంజీవితో (Chiranjeevi) ఓ ప్రాజెక్ట్‌ చేస్తున్నారని టాక్‌. అన్నీ అనుకున్నట్లుగా జరిగితే త్వరలో ఈ సినిమా ప్రారంభమవుతుంది. అదేంటి ప్రకటన ఉండాలి కదా అంటారా? అలాంటి సంప్రదాయాలను ఫాలో అవ్వని ప్రొడక్షన్‌ హౌస్‌ నుండి వస్తోంది కాబట్టి.

మెగాస్టార్ చిరంజీవి మరో కొత్త సినిమా ఓకే చెప్పారని తెలుస్తోంది. ప్రస్తుతం మల్లిడి వశిష్ఠ (Vassishtha) దర్శకత్వంలో చిరంజీవి ‘విశ్వంభర’  (Vishwambhara)  అనే సినిమాలో నటిస్తున్నారు. ఈ సినిమా వచ్చే ఏడాది సంక్రాంతికి రిలీజ్‌ అవుతుంది. ఈ విషయం పక్కనపెడితే.. ఈ లోపే చిరంజీవి మరో రెండు సినిమాలు ప్రారంభిస్తారు అని టాక్‌. అందులో ఒకటి పీపుల్‌ మీడియా ఫ్యాక్టరీ నిర్మాణంలో ఉంటుంది అని చెబుతున్నారు. ఆ సినిమా హరీశ్‌ శంకర్‌ దర్శకత్వంలో రూపొందబోతోందట. కథ కూడా మనకు తెలిసిందే.

అదేంటి తెలిసింందే అంటున్నారు మరో రీమేకా? అనుకుంటున్నారా. కథ గురించి మనకు తెలుసు అని మా ఉద్దేశం. చాలా ఏళ్ల క్రితం ‘ఆటో జానీ’ అనే సినిమా గురించి మీరు వినే ఉంటారు. చిరంజీవి, (Puri Jagannadh) పూరి జగన్నాథ్‌ కాంబినేషన్‌లో ఆ సినిమా వస్తుందని అప్పుడు అన్నారు. అంతా ఓకే కానీ సెకండాఫ్‌ మార్చాలి అని చిరంజీవి చెప్పడం, ఆ సినిమా ఆగిపోవడం మీకు గుర్తుండే ఉంటుంది. ఇప్పుడు ఆ కథనే హరీశ్‌ తీసుకొని పూర్తి చేసి వినిపించారట. అంతా ఓకే అవ్వడంతో త్వరలో సినిమా ప్రారంభం అంటున్నారు.

పూరి ‘ఆటో జానీ’ కథను సిద్ధం చేస్తున్నప్పుడు ఆ టీమ్‌లో హరీశ్‌ (Harish Shankar) కూడా ఉన్నారట. అందుకే కథను ఇప్పుడు ఆయనే హ్యాండిల్‌ చేస్తున్నారట. రవితేజ ‘మిస్టర్‌ బచ్చన్‌’ సినిమా అయిపోగా ఈ సినిమా మీద పూర్తి స్థాయిలో దృష్టి పెడతారని సమాచారం.

‘గామి’ తప్పకుండా చూడడానికి గల 10 కారణాలు!

స్టార్‌ హీరో అజిత్‌ హెల్త్‌ అప్‌డేట్‌ వచ్చేసింది… ఎలా ఉందంటే?
ఆ యూట్యూబ్ ఛానెల్స్ పై శరణ్య ప్రదీప్ ఫైర్.. ఏం జరిగిందంటే?