‘భవదీయుడు భగత్‌ సింగ్‌’ సినిమా అనౌన్స్‌ చేసినప్పుడు, టైటిల్‌ రివీల్‌ చేసినప్పుడు, పోస్టర్‌ వచ్చినప్పుడు అభిమానుల్లో ఆనందం, ఉత్సాహం ఓ లెవల్‌లో ఉండేది. ఆ తర్వాత అప్‌డేట్‌ అప్‌డేట్‌ అప్‌డేట్‌ అంటూ అడగడం ప్రారంభించారు. ఎలాంటి సమాచారం రాలేదు. ఆ తర్వాత సినిమా ఉందా? లేదా? అంటూ ప్రశ్నలు మొదలయ్యాయి. మొన్నీ మధ్య అయితే ఏకంగా పవన్ కల్యాణ్ ఆ సినిమా నిర్మాణ సంస్థ మైత్రీ మూవీ మేకర్స్‌కి డబ్బులు వెనక్కి ఇచ్చేస్తున్నారు అంటూ వార్తలొచ్చాయి.
దీంతో అభిమానులు ‘ఇదేంటి ఇలా అయిపోయింది’ అంటూ బాధపడుతున్నారు. అయితే దర్శకుడు హరీశ్‌ శంకర్‌ ఓ ట్వీట్‌తో మొత్తం పుకార్లు, కామెంట్లు, డౌట్లను క్లారిఫై చేసే ప్రయత్నం చేశారు. ఓ అభిమాని ట్విటర్‌లో అడిగిన ప్రశ్న ట్వీట్‌కి హరీశంకర్‌ ఇచ్చిన సమాధానంతో ‘భవదీయుడు భగత్‌ సింగ్‌’ సినిమా మీద ఆశలు రేపారు దర్శకుడు హరీశ్‌ శంకర్‌. ‘‘పవన్ కల్యాణ్ సినిమా ఎప్పుడు ఉంటుంది? ఈసారి వింటేజ్ పవన్ క‌ల్యాణ్‌ని చూపించాల్సిందే. డ్యాన్సులు ఉండాల్సిందే’’ ఓ అభిమాని హరీశ్‌ శంకర్‌ని ఉద్దేశిస్తూ ట్వీట్‌ చేశాడు.
దానికి హరీశ్‌ శంకర్‌ ఇటీవల సమాధానం ఇచ్చారు. ‘‘మీకు కావాల్సిన అన్ని అంశాలు ఈ సినిమాలో ఉంటాయి. ఏదీ మిస్ అవ్వ‌దు. న‌న్ను న‌మ్మండి. ఈ ఎదురుచూపుల‌కు త‌గిన ప్ర‌తిఫ‌లం ద‌క్కుతుంది’’ అని రిప్లైలో రాసుకొచ్చారు హరీశ్‌ శంకర్‌. దీంతో పుకార్లు వస్తున్నట్లుగా ‘భవదీయుడు భగత్‌ సింగ్‌’ సినిమా ఆగిపోలేదన్నమాట. అయితే ఇంత చెప్పినప్పటికీ సినిమా ఎప్పుడు అనే సమాచారం రాకపోతుండటంతో ఎక్కడో చిన్న భయం అయితే ఉంది.
హరీశ్‌ శంకర్‌ ‘భవదీయుడు భగత్‌ సింగ్‌’ కథను పట్టుకుని చాలా రోజులగా ఉన్నారు. ఆ మధ్య ఓ బాలీవుడ్‌ సినిమా చేస్తారు అని వార్తలొచ్చినా అది కార్యరూపం దాల్చలేదు. ఇప్పుడు రీసెంట్‌ ట్వీట్‌ బట్టి చూస్తే సినిమా ఉంది అని ఆయన బలంగా నమ్ముతున్నట్లు అర్థమవుతోంది. మరి నిజంగానే సినిమా ఉంటే.. ఎప్పుడు ప్రారంభం అనేది కూడా అధికారికంగా ప్రకటిస్తే బాగుండు.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
