హరీష్ శంకర్ చేతిలో ఇద్దరు మెగా హీరోలు!

“డీజే” సినిమాతో కావాలని కాకపోయినా.. మెగా అభిమానుల నుండి అల్లు అర్జున్ అభిమానులను వేరు చేసిన దర్శకుడు హరీష్ శంకర్. మళ్ళీ అదే మెగా ఫ్యామిలీతో మరో సినిమా చేసేందుకు సన్నద్ధమవుతున్నాడు. మెగా ఫ్యామిలీ హీరోలైన పవన్ కళ్యాణ్, సాయిధరమ్ తేజ్, అల్లు అర్జున్ లతో ఇప్పటికే వర్క్ చేసి ఉన్న హరీష్ శంకర్.. ప్రస్తుతం ఓ మల్టీస్టారర్ ప్రొజెక్ట్ కోసం స్క్రిప్ట్ వర్క్ చేస్తున్న విషయం తెలిసిందే. మొదట్లో ఈ సినిమా కోసం నాని-విజయ్ దేవరకొండ, రాజ్ తరుణ్-నాని వంటి కాంబినేషన్లు వినిపించినప్పటికీ.. చివరికి దిల్ రాజు సూచన మేరకు ఈ మల్టీస్టారర్ కోసం సాయిధరమ్ తేజ్ తోపాటు మరో మెగా హీరో వరుణ్ తేజ్ లను కన్సిడర్ చేస్తున్నట్లు సమాచారం.

ఒకవేళ ఈ కాంబినేషన్ గనుక వర్కవుట్ అయితే.. కొన్ని దశాబ్ధాల తర్వాత ఇద్దరు  మెగా హీరోల కలయికలో వచ్చే సినిమా ఇదే అవుతుంది. “రంగుల రాట్నం” అనే టైటిల్ నిర్ణయించబడిన ఈ చిత్రం నవంబర్ నుంచి సెట్స్ మీదకు వెళ్లనుందని తెలుస్తోంది.

Also, do SUBSCRIBE to our YouTube channel to get latest Tollywood updates.