ఇండస్ట్రీలో ఒక హిట్టు పడితే దర్శకులు చాలా బిజీ అయిపోతారు అలాంటిది ఒక మంచి హిట్ ఇచ్చిన తరువాత కూడా మూడేళ్లకు పైగా సినిమా చేయకుండా ఖాళీగా ఉండడం అరుదైన విషయం. కానీ హరీష్ శంకర్ ఇలాంటి పరిస్థితినే ఎదుర్కొంటున్నారు. చివరిగా అతడి దర్శకత్వంలో తెరకెక్కిన ‘గద్దలకొండ గణేష్’ సినిమా హిట్ అయిన సంగతి తెలిసిందే. మళ్లీ ఫామ్ చాటుకోవడానికి పవర్ స్టార్ పవన్ కళ్యాణ్ లాంటి పెద్ద స్టార్ తో సినిమా చేసే అవకాశం వచ్చింది ఆయనకు.
తన అభిమాన హీరోను మళ్లీ డైరెక్ట్ చేసే ఛాన్స్ రావడంతో హరీష్ చాలా ఆనందపడ్డారు. ‘గబ్బర్ సింగ్’ కాంబినేషన్ రిపీట్ అవుతుండడంతో అభిమానుల ఆనందానికి అవధుల్లేవు. కానీ పవన్ కళ్యాణ్ వేరే కమిట్మెంట్స్ వలన ఈ సినిమా ఇంతకీ పట్టాలెక్కడం లేదు. పవన్ తో మళ్లీ ‘గబ్బర్ సింగ్’ స్థాయి హిట్ సినిమా తీయాలనే సంకల్పంతో హరీష్ వేరే సినిమా ఏదీ ఒప్పుకోకుండా ఓపికగా ఎదురుచూస్తున్నారు. కానీ ఎంతసేపటికీ ఈ ప్రాజెక్ట్ పై క్లారిటీ లేకపోవడం,
రాబోయే రోజుల్లో ఈ సినిమా పట్టాలెక్కే అవకాశాలు కనిపించకపోవడంతో వేరే ప్రాజెక్ట్ మీద దృష్టి పెడుతున్నారు. హీరో రామ్ తో హరీష్ ఓ సినిమా చేయబోతున్నట్లు సోషల్ మీడియాలో ప్రచారం జరుగుతోంది. హరీష్ సినిమా చేద్దామన్నా వేరే స్టార్స్ ఎవరూ ఖాళీగా లేరు. ప్రతి ఒక్కరూ రెండు, మూడు కమిట్మెంట్స్ తో బిజీగా ఉన్నారు. రామ్ మాత్రం బోయపాటికి తప్ప మరో డైరెక్టర్ కి ఓకే చెప్పలేదు. అయితే రామ్ తో హరీష్ వెంటనే సినిమా మొదలుపెట్టే ఛాన్స్ లేదు.
ఇద్దరి కాంబినేషన్ సెట్ అయితే.. స్క్రిప్ట్ రెడీ చేసుకోవాలని చూస్తున్నారు హరీష్. ఇంతలో పవన్ సినిమా సెట్స్ పైకి వెళ్తే ఓకే లేదంటే.. రామ్ సినిమాను పూర్తి చేసి ఆ తరువాత పవన్ సినిమా మీదకి వెళ్లాలనుకుంటున్నారు హరీష్ శంకర్. మరేం జరుగుతుందో చూడాలి!
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home
