మలయాళీ నటిని రెండో పెళ్ళి చేసుకున్న హరీశ్‌ ఉత్తమన్‌..!

మలయాళానికి చెందిన వ్యక్తి అయినప్పటికీ తమిళ సినిమాలతో నటుడిగా మారాడు హరీశ్‌ ఉత్తమన్‌. టాలీవుడ్ కు మాత్రం ఇతను విలన్ గా పరిచయమయ్యాడు. అయినప్పటికీ అనతికాలంలోనే టాప్ లిస్ట్ లో చోటు సంపాదించుకున్నాడు. ఈయన తాజాగా రెండో పెళ్లి చేసుకోవడం చర్చనీయాంశం అయ్యింది.ప్రముఖ మలయాళ నటి చిన్ను కురువిల్లను రెండో పెళ్ళి చేసుకున్నాడు హరీశ్.జనవరి 20న కేరళలోని మవెలిక్కర వద్ద ఉన్న రిజిస్ట్రార్‌ ఆఫీస్‌లో హరీశ్- చిన్ను ల వివాహం నిరాడంబరంగా జరిగింది.

వీరి పెళ్ళికి ఇరు కుటుంబ సభ్యులు అత్యంత సన్నిహితులు హాజరయ్యారు. కేవలం రూ.10 వేల ఖర్చుతోనే వీరి వివాహం జరిగిందని సమాచారం. 2018లో హరీశ్ మేకప్‌ ఆర్టిస్ట్‌ అమృత కల్యాణ్‌ పుర్‌ను వివాహం చేసుకున్నాడు. కానీ పెళ్ళైన కొద్దిరోజులకే వీరి మధ్య మనస్పర్థలు సంభవించడంతో ఏడాది పూర్తవ్వగానే విడిపోయారు. 2013 లో వచ్చిన ‘గౌరవం’ చిత్రంతో తెలుగు ప్రేక్షకులకు పరిచయమయ్యాడు హరీష్. అటు తర్వాత ‘పవర్’, ‘జిల్’, ‘పండగ చేస్కో’, ‘శ్రీమంతుడు’, ‘ఎక్స్ ప్రెస్ రాజా’, ‘కృష్ణగాడి వీర ప్రేమగాధ’, ‘మలుపు’, ‘మిస్టర్’, ‘దువ్వాడ జగన్నాథం'(డిజె),’జై లవ కుశ’, ‘కేరాఫ్ సూర్య’, ‘కవచం’, ‘నా పేరు సూర్య నా ఇల్లు ఇండియా’, ‘వినయ విధేయ రామ’, ‘అశ్వద్ధామ’, ‘వి’ ‘నాంది’ వంటి చిత్రాల్లో ఇతను నటించాడు.

ఇక రెండో పెళ్ళి చేసుకున్న హరీష్ కు అభిమానులు విషెస్ చెబుతున్నారు. ‘కొత్త జీవితం ప్రారంభించావ్… ఇక నుండీ నీకు అద్భుతంగా ఉండాలని కోరుకుంటున్నాము’ అంటూ కొందరు నెటిజన్లు కామెంట్లు పెడుతున్నారు.

బంగార్రాజు సినిమా రివ్యూ & రేటింగ్!

Most Recommended Video

చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!